QTJ-da jemqorlyqpen kúres keńsesi ashylady
Bul týraly QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń departament dırektory Danııar Sabyrbaev málimdedi.
«Qazirgi tańda keńseni ashý boıynsha kelissózder júrip jatyr. Kelesi apta jumysyn bastaıdy dep josparlap otyrmyz. Ofıs tikeleı agenttikke baǵynady. Qazaqstandyq kompanııalar bazasynda jemqorlyqpen kúres júrgizetin mundaı keńse buryn sońdy bolmaǵan», - dedi departament dırektory Danııar Sabyrbaev.
Sonymen qatar, departament basshysy agenttiktiń temirjol bıletteriniń zańdy satylýyna qatysty tekseris júrgizgenin atap ótti.
Onyń aıtýynsha, «alyp-satý» ádisi arqyly jolaýshyny bıletsiz kez kelgen óńirge jibere alatyn «kómekshiler» anyqtalǵan. Zańsyz tasymaldaýshylar temirjol bıletterin naryq baǵasynan 50% qymbatqa satqan.
«Osy oraıda Memlekettik qyzmet isteri jáne sybaılas jemqorlyqqa qarsy is-qımyl agenttigi temirjol tasymaly salasyndaǵy jemqorlyqpen júıeli túrde kúresý úshin «Qazaqstan temir joly» AQ bazasynda «Adal jol» jobalyq keńsesin ashpaq», -dedi ol.