QTJ-da kadrlyq aýys-túıister boldy

ASTANA. QazAqparat - Bıylǵy jyldyń 10 qazanynda «Qazaqstan temir joly» UK» AQ Dırektorlar keńesiniń táýelsiz aǵa dırektory T.Syzdyqovanyń jetekshiligimen «Qazaqstan temir joly» UK» AO Dırektorlar keńesiniń otyrysy ótti, dep habarlady kompanııanyń baspasóz qyzmeti.

Otyrysta «QTJ» UK» AQ boryshtyq júktemeni ońtaılandyrý jáne qarjylyq turaqtylyqtyń josparlanǵan kórsetkishterine qol jetkizý jónindegi is-sharalar jospary maquldandy. Sonymen birge, «Vostokmashzavod» AQ úshin «Qazaqstan Halyq banki» AQ paıdasyna «QTJ» UK» AQ korporatıvtik kepildigi máselesi de qarastyryldy.

«QTJ» UK» AQ basqarma múshesi B.Kamalıevtiń ókilettiligin merziminen buryn toqtatý týraly jáne óndiristik qaýipsizdik jáne ekologııa basqarma departamentiniń dırektory A.Jaǵyparovty «QTJ» UK» AQ basqarma múshesi retinde saılaý týraly sheshim qabyldandy.

«Qaztemirtrans» AQ basqarma tóraǵasy Q.Saýyrbaev pen «QTJ - júk tasymaly» AQ basqarma tóraǵasy M.Shákenovtyń ókilettilikteri merziminen buryn toqtatyldy.

«Qaztemirtrans» AQ basqarma tóraǵasy qyzmetine S.Elýbaev, «QTJ - júk tasymaly» AQ basqarma tóraǵasy bolyp O.Kýlakov taǵaıyndaldy.