QTJ birqatar halyqaralyq kelisimge qol qoıdy
Prezıdent Qasym-Jomart Toqaevtyń Qytaıǵa resmı sapary aıasynda «Qazaqstan temir joly» UK» AQ delegatsııasy birqatar halyqaralyq is-sharalarǵa, onyń ishinde «Bir beldeý, bir jol» úshinshi halyqaralyq forýmyna qatysty, dep habarlaıdy Kazinform.
«Samuryq-Qazyna» qory baspasóz qyzmetiniń málimetinshe, Qytaı temir joldarynyń basshylarymen, CRRC, Huawei, «Lıanıýngan porty» MK» JShQ jáne basqa seriktestermen kezdesý ótkizildi. Birqatar qujatqa qol qoıyldy, sonyń ishinde: qytaılyq eń iri CRRC korporatsııasymen lokomotıvterdi satyp alý týraly negizdemelik kelisim jáne «Lıanıýngan porty» MK» JShQ-men yntymaqtastyq týraly kelisim.
Kezdesý barysynda 10 jyldyǵy bıyl atalyp ótip jatqan «Bir beldeý, bir jol» bastamasynyń negizgi býynyna aınalǵan Qazaqstannyń strategııalyq róli erekshe pash etildi.
Osy onjyldyqta Qazaqstan men Qytaı arasyndaǵy konteınerlik júk aınalymy 6,5 mln konteınerden asty. Bul rette Qytaı - Eýropa - Qytaı baǵytyndaǵy kólem 100 eseden astam ósti (2013 jylǵy 7,6 myń konteınerden 2022 jyly 790 myń konteınerge deıin).
