QTJ bazasynda Iran, Ázerbaıjan, Grýzııa, Túrkııa porttarynan temirjol termınaldyq jelileri qurylady

NUR-SULTAN. QazAqparat – «Qazaqstan temir joly» kompanııasynyń bazasynda Iran, Ázerbaıjan, Grýzııa, Túrkııa porttarynan temirjol termınaldyq jelileri qurylady, dep habarlaıdy QazAqparat tilshisi.

Bul jaıynda QR Indýstrııa jáne ınfraqurylymdyq damý mınıstri Qaıyrbek Óskenbaev Úkimet otyrysynda málim etti.

Onyń aıtýyna qaraǵanda, «Qazaqstan temir joly» kompanııasyn ulttyq kólik-logıstıkalyq kompanııasyna transformatsııalaý aıasynda birneshe shara qaralyp otyr. Olar:

- álemdik kólik-logıstıkalyq kompanııalarmen (PSA, DBShenker, CoscoShipping, DPWorld jáne t. b.) sınhrondaý, «tar jerlerdi» joıý jáne tasymaldaý qujattarymen jiksiz almasýdy, halyqaralyq naryqtarǵa qoljetimdilikti qamtamasyz etetin Biryńǵaı tsıfrlyq dáliz qurýmen kooperatsııa jasaý;

- PSA kompanııasymen birge kólik dálizderin tsıfrlandyrý;

- Iran, Ázirbaıjan, Grýzııa jáne Túrkııa porttarynda syrtqy termınaldyq jeliler qurý;

- korporatıvtik sheshimderdi qabyldaýǵa qatysý, tarıftik saıasatty kelisý jáne operatsııalyq qyzmetti arttyrý arqyly «Qazaqstan temir joly» kompanııasyn operatsııalyq qyzmetinde memlekettik retteýdi kúsheıtý;

- kólik-logıstıka salasyn odan ári damytý úshin ǵylymı qoldanbaly ázirlemelerdiń ulttyq bazasyn qurý.

«Osy is-sharalardy iske asyrý Qazaqstannyń kólik-logıstıkalyq áleýetin damytýdyń 2030 jylǵa deıingi tujyrymdamasynda bekitiletin bolady», - dedi Qaıyrbek Óskenbaev.