QTJ basshylyǵy Shyńjań-Uıǵyr avtonomııa aýdany kommýnıstik partııa hatshysymen kezdesti

ÚRІMShІ. QazAqparat - Úrimshide «Qazaqstan temir joly» UK«AQ basshylyǵy Shyńjań-Uıǵyr avtonomııalyq aýdany (ShUAA) kommýnıstik partııasynyń hatshysy Ma Sınjýı myrzamen kezdesý ótkizdi, dep habarlaıdy QazAqparat.

Taraptar temirjol tasymalynyń turaqty ósý qarqynyn atap ótti.

Ótken jyly ósim - 14,5 %, al aǵymdaǵy jyldyń alǵashqy eki aıynda - 30% qurady, onyń ishinde Qazaqstannan QHR-ǵa eksport 1,6 ese ósti.

Kezdesýde kólik salasyndaǵy ózara is-qımyl máseleleri - Baqty-Tachen úshinshi temirjol shekara ótkeliniń qurylysy, Dostyq-Moıynty ýchaskesin jańǵyrtý, halyqaralyq kólik dálizderin damytý perspektıvalary talqylandy.

ShUAA basshylyǵy Úrimshi qalasynda QTJ termınalyn qurýdy qoldaıdy jáne Almaty aglomeratsııasynda barlyq qajetti kóliktik-logıstıkalyq ınfraqurylymy bar saýda habyn qurý jobasyna qoldaý bildirdi.

Yntymaqtastyqty kúsheıtý úshin taraptar turaqty negizde kezdesip turýǵa kelisti.