QTJ basqarmasynyń quramy ózgerdi

ASTANA. QazAqparat - «Samuryq-Qazyna» UÁQ» AQ basqarýshy dırektorynyń tóraǵalyǵymen «Qazaqstan temir joly» ulttyq kompanııasy Dırektorlar keńesiniń otyrysy barysynda qarjy-ekonomıkalyq, uıymdastyrý, kadrlyq máseleler qaraldy.

Atap aıtqanda, ınflıatsııalyq targetteý rejimine kóshýdiń teris yqpalyn tómendetý boıynsha sharalar jospary, sondaı-aq «QTJ» UK» AQ men onyń enshiles uıymdarynyń 2015 jylǵa arnalǵan qarjylyq ornyqtylyǵyn saqtaý baǵdarlamasy maquldandy, dep habarlady ulttyq kompanııa baspasóz qyzmeti.

Budan basqa, «Aqtóbe rels arqalyq zaýyty» JShS mindettemelerin qamtamasyz etýde «Qazaqstan damý banki» AQ bergen «QTJ» UK» AQ jáne «Kólik tehnologııalary» JShS arasyndaǵy kepildik shartqa qosymsha kelisimge qol qoıý sheshimi qabyldandy.

Otyrys barysynda «QTJ» UK» AQ Dırektorlar keńesiniń qaıta qurylǵan Qaýipsizdik jáne qorshaǵan ortany qorǵaý komıteti týraly Ereje bekitildi.

Dırektorlar keńesi jeke blokpen «QTJ» UK» AQ jaı aktsııalaryn ornalastyrý jáne ornalastyrý baǵasy týraly máseleni qarady.

Budan basqa, «QTJ» UK» AQ 2015-2019 jyldarǵa arnalǵan Damý josparyn oryndaý, táýekelderdi basqarý boıynsha, AQ transformatsııalaý baǵdarlamasyn iske asyrýdyń aǵymdaǵy mártebesi týraly esep tyńdaldy.

Otyrys nátıjesi boıynsha «QTJ» UK» AQ basqarma músheleri Sholpan Omarbekova men Nurdáýlet Qılybaıdyń ókilettigin merziminen buryn toqtatý týraly sheshimi qabyldandy.

Sondaı-aq otyrys aıasynda «QTJ» UK» AQ basqarmasynyń músheleri bolyp Maqsat Qabashev pen Aqbolat Jaǵyparov saılandy. Korporatıvtik hatshy bolyp buryn osy orynda bolǵan Erken Qarymsaqov taǵaıyndaldy.