QTJ Ázerbaıjan temir jolymen baılanysty nyǵaıtady

ASTANA. QazAqparat – 2022 jyly Qazaqstan men Ázerbaıjan arasyndaǵy temir jol tasymaly 2021 jylmen salystyrǵanda 4 esege ósip, 3 mln tonnadan asty, dep habarlaıdy QazAqparat.

Ásirese eki el arasynda astyq, taý-ken, metallýrgııa ónimderin tasymaldaý arta túsken.

Eń joǵary ósim – Qazaqstannan, onyń ishinde Ázerbaıjan arqyly eksport 7 esege ósip, 2,7 mln tonnaǵa jetken.

2023 jyldyń 1 toqsanynda da eki el arasyndaǵy tasymaldar oń serpin berip, ótken jyldyń sáıkes kezeńinen 40%-dan astam ósim kórsetken.

Transkaspıı halyqaralyq kólik baǵyty qatysýshylary arasyndaǵy operatsııalardy sınhrondaý maqsatynda Ázerbaıjan tarapymen birlesip, qozǵalysty josparlaý jáne úılestirýge arnalǵan vırtýaldy dıspetcherlik ortalyq quryldy, bul júkterdiń qozǵalysy týraly memleketaralyq aqparat almasýdy jaqsartýǵa múmkindik beredi.

«Jalpy alǵanda taraptar Transkaspıı halyqaralyq kólik baǵytyn yntalandyrý boıynsha belsendi jumys júrgizýde. «QTJ» UK» AQ úshin Transkaspıı halyqaralyq kólik baǵyty áleýetin ashý – damýdyń basty vektorlarynyń biri bolyp qalady», - delingen ulttyq kompanııa habarlamasynda.