QTJ: astyq tasymaly sońǵy 10 jyldaǵy eń joǵary kórsetkishke jetti
ASTANA. KAZINFORM — Byltyrǵy jyldyń qorytyndysy boıynsha «Qazaqstan temir joly» UK» AQ jelisi boıynsha astyq tasymaldaý kólemi 14,3 mln tonnadan asty, bul 2024 jyldyń uqsas kezeńindegi kórsetkishten 31% artyq. Bul týraly «Qazaqstan temir joly» UK» AQ baspasóz qyzmeti málim etti.
Eksportqa 11 mln tonna astyq jóneltildi, bul ótken jylǵy kólemnen 33% kóp. Mundaı kórsetkishter sońǵy 10 jylda alǵash ret tirkeldi.
Іshki tasymaldar 26% artyp, 3,3 mln tonnadan asty. Tasymaldardyń ósýi Ortalyq Azııa elderi baǵytynda da baıqalady — 30%, ıaǵnı 6,3 mln tonnaǵa deıin, onyń ishinde:
Qyrǵyzstanǵa — 2 ese;
Tájikstanǵa — 12%, 1,4 mıllıon tonnaǵa deıin;
Ózbekstanǵa — 32%, 4,5 mıllıon tonnaǵa deıin.
Ázirbaıjanǵa astyq tasymaldaý 3 esege, Iranǵa tıeý — 69%, Aýǵanstanǵa tıeý — 63% ulǵaıdy.
Baltyq elderine tasymaldaý kólemi 6 esege ósip, 800 myń tonnadan asty. Qarateńiz ben baltyq porttaryna tasymaldaý sáıkesinshe 49% jáne 67% ósti.
2025 — 2026 marketıngtik jyly (2025 jylǵy qyrkúıekten jeltoqsanǵa deıin) astyq tasymaldaý kólemi 6 mln tonnaǵa (+19%) jetti, onyń ishinde eksport 4,7 mln tonnany (+18%) qurady.
QTJ-nyń málimetinshe, Ortalyq Azııa elderine tasymaldaý 27%, ıaǵnı 2,8 mln tonnaǵa deıin, Aýǵanstanǵa — 71%, Baltyq elderine — 2 ese, Qara teńiz porttaryna — 47%, Baltyq porttaryna — 6 ese ósken. Ózbekstanǵa astyq tasymaldaý 41% artyp, 2 mln tonnadan asqany belgili boldy.
— 2025 jylǵy jeltoqsanda temirjol kóligimen astyq tasymaldaý kólemi 1,6 mln tonnany qurady, bul 2024 jylǵy jeltoqsandaǵy kórsetkishten 14% joǵary jáne rekordtyq aılyq kórsetkish bolyp tabylady. Eksport 16%, ıaǵnı 1,3 mln tonnaǵa deıin ulǵaıdy, ishki tasymaldar 300 myń tonnadan asty, bul ótken jylǵy deńgeıden 10% artyq, — delingen habarlamada.
Qytaı Halyq Respýblıkasy baǵytynda astyq júkteriniń eksporty 30% nemese 1 mln tonnaǵa ósip, 4,2 mln tonnadan asty. Bul rette shıkizat astyǵyn tasymaldaý kólemi 0,8 mln tonnany qurady, bul qosylǵan quny neǵurlym joǵary júkterdi tasymaldaýǵa qaıta baǵdarlanýǵa baılanysty.
Konteınerlerde qurama jem tasymaldaýdyń paıdasyna qurylymdyq aýysý baıqalady: olardyń kólemi 3,5 esege — 0,7 mln tonnadan 3,1 mln tonnaǵa deıin ulǵaıdy.
Qabyldanyp jatqan shekteý sharalaryna qaramastan, túzetý áreketteri esebinen astyqty turaqty tasymaldaý qamtamasyz etildi. Kompanııa «QTJ» UK» AQ, beıindi mınıstrlikter, jergilikti atqarýshy organdar, UKP jáne júk jóneltýshilerdiń jedel «Astyq shtaby» alańynda ózara is-qımyly sheńberinde tasymaldardy qatań baqylaýdy júzege asyrýdy jalǵastyrýda. Temirjol kóliginiń ınfraqurylymy jáne jyljymaly quramnyń bolýy byltyrǵy eginniń astyǵyn tıep jóneltý úshin elevatorlar men kirme joldardyń qajettiligin tolyq kólemde qamtamasyz etedi.
Aıta keteıik, buǵan deıin Qazaqstan men Ózbekstan astyq logıstıkasyn birlesip retteıtinin jazdyq.