QTJ Astana vokzalynda aspaly qalqanyń qulaý sebepterin atady
«Búgin saǵat 14:15-te Astana temirjol vokzalynyń perrony aýmaǵy 40 sharshy metr bolatyn qalqa opyrylyp, № 376 «Astana-Lenınogorsk» poıyzynyń vagonyn janap ótti. Aıta ketý kerek vagon men poıyzǵa zaqym kelgen joq. Jolaýshylar men vokzal qyzmetkerleri arasynda eshkim japa shekpedi. Atalmysh qalqanyń qulaý sebepterine keletin bolsaq, ózderińiz bilesizder, keshe Tótenshe jaǵdaılar komıteti Astanada jeldiń sekýndyna 25-30 metrge deıin qatty uıytqýy jáne qardyń kóp túsýi sebebinen eskertý joldaǵan bolatyn. Qazirgi ýaqytta tótenshe jaǵdaıdyń saldaryn joıý jumystary júrgizilýde. Jeke quramnyń 100-ge tarta adamy men 3 tehnıka tartyldy. Atalmysh jumystardy 2 saǵattyń ishinde aıaqtaý josparlanýda», - dedi «QTJ» AQ Vokzal sharýashylyǵy departamentiniń dırektory Juban Kórpebaev.
Aıta keteıik, Astana vokzalynda aspaly qalqannyń qulaýyna baılanysty sot aldyndaǵy tergeý jumystary bastaldy.
Búgin saǵat 14:15-te jeldiń qatty uıytqýy jáne qardyń kóp túsýi saldarynan Astana temirjol vokzalynyń perronynda aýmaǵy 40 sharshy metr bolatynqalqa opyrylyp , № 376 «Astana-Lenınogorsk» poıyzynyń vagonyna qulap tústi. Vagon men baılanys jelisine zaqym kelmedi.
Zardap shegýshiler joq. Bul oqıǵa poıyzdardyń qozǵalysyna kedergi keltirmedi.
