QTJ aǵymdaǵy jyldyń birinshi jartyjyldyǵynda júk tasymalyn 6,8 paıyzǵa ulǵaıtty

ASTANA.  2 tamyz. QazAqparat - «Qazaqstan temir joly» UK» AQ-nyń І jartyjyldyqtaǵy júk tasymalynyń kólemi 143,5 mln tonnany qurap otyr.

Bul 2011 jyldyń sáıkes kezeńimen salystyrǵanda 6,8 paıyzǵa kóp. Bul týraly atalǵan kompanııanyń baspasóz qyzmetinen habarlandy.

Atap aıtqanda, 2012 jyldyń І-jartyjyldyǵy qorytyndysy boıynsha tarıftik júk aınalymy shaqyrymyna 116 187 mln. tonnany qurap, byltyrǵy jylmen salystyrǵanda 12 paıyzǵa ósken. Sonymen qatar, esepti kezeńde 143,5 mln. tonna júk tasymaldanǵan. Bul kórsetkish byltyrǵy jyldyń dál osy kezeńine qaraǵanda 6,8 paıyzǵa joǵary. Al jolaýshylar tasymalynyń aınalymy 2011 jyldyń deńgeıinen 13,1 paıyzǵa ósip, shaqyrymyna 7 418 mln. jolaýshyny qurap otyr.

«Jalpy birinshi jartyjyldyq qorytyndysy toraptaǵy júk tıeýdiń turaqty ósimin kórsetedi. Kompanııa boıynsha jalpy júk tıeý 1,4  paıyzǵa asyra oryndalyp, 127 mln. tonnaǵa jetti. Byltyrǵy jyldyń osy kezeńine qaraǵanda júk tıeý 7,5 mln. tonna nemese 6,2 paıyzǵa ósken. Al júk túsirý 6,7 paıyzǵa artyp, táýligine ortasha eseppen 7 587 vagondy qurady.