QTJ 2017 jyldyń aıaǵyna sheıin Infraqurylym jónindegi ulttyq operator qurýdy kózdep otyr
Kompanııanyń baspasóz qyzmetiniń habarlaýynsha, bıznesti transformatsııalaý baǵdarlamasy birneshe kezeńmen júzege asyrylady. kompanııa qazirgi tańda baǵdarlamanyń 3-shi kezeńin bastady.
«Bul Transformatsııalaý baǵdarlamasynyń sheshýshi kezeńi. Bul - «QTJ» UK» AQ eńbekkerleri men bıznesti transformatsııalaý komandasynyń eki jyl ishinde atqarǵan jumysynyń qorytyndysy»,- dep atap ótti «QTJ» UK» AQ Damý jónindegi vıtse-prezıdenti Erkin Jýsanbaev.
2015 jyl men 2016 jyl basynan beri «QTJ» UK» AQ Strategııalyq damý baǵdarlamasyna baılanysty PÁK (paıdaly áser koeffıtsıenti) jáne IT- arhıtektýrasy, strategııalyq mańyzdy kórsetkishter úderisi bekitildi.
Osy naqty jobalardyń kórsetkishteriniń nátıjesi kompanııa óndirisine engizilip, ony aldaǵy úsh jylda júzege asyrý kózdeledi.
Jobany júzege asyrý jolyndaǵy ózgeristerdi engizý kezeń-kezeńimen bastalady. Bıylǵy shilde aıynda Júk tasymaly kompanııasy jasaqtaldy. 2017 jyldyń sońyna deıin Infraqurylym jónindegi Ulttyq operator qurý jumysy aıaqtalady.
Kelesi kezeńde Bıznesti transformatsııalaý baǵdarlamasynyń «QTJ» UK» AQ Strategııalyq damýyn tabysty júzege asyrýǵa jáne kompanııa qyzmetiniń tıimdiligin arttyryp, tapsyrys berýshilerdiń suranysyn joǵary dárejede qamtamasyz etýge múmkindik áperedi.
E. Jýsanbaevtyń aıtýynsha,negizgi júıesiniń túbegeıli ózgerýi «QTJ» UK» AQ-ne qyzmet kórsetýdiń ǵalamdyq modeline kóshýine yqpal etip, Kompanııanyń tabysynyń ósýine jaǵdaı jasaıdy»
«QTJ» UK» AQ Bıznesti transformatsııalaý baǵdarlamasynyń menedjeri Talǵat Imanov jobanyń portfelin usyndy.
Baǵdarlamany júzege asyrý toby men joba jetekshileri ózderiniń atqarǵan jumystary men aldynda turǵan mindetterin, maqsatyn, merzimin, negizgi atqarylatyn sharalardy baıandady.
E. Jýsanbaev Bıznesti transformatsııalaý baǵdarlamasynyń «QTJ» UK» AQ Strategııalyq damýyn tabysty júzege asyrýǵa jáne kompanııa qyzmetiniń tıimdiligin arttyryp, tapsyrys berýshilerdiń suranysyn joǵary dárejede qamtamasyz etýge múmkindik áperetindigine senimdi. Aqparattyq kúnge «Qazaqstan temir joly» UK» AQ fılıaldary men enshiles kompanııalary, qurylymdyq bólimshelerdiń jetekshileri qatysty.
