«KTZ Express» AQ mamandary FIATA dıplomdaryn aldy
ASTANA. QazAqparat - «KTZ Express» AQ temirjol jáne konteınerlik tasymaly salasynyń 20-dan astam mamandary «Halyqaralyq júk ekspedıtory» baǵdarlamasy boıynsha emtıhandaryn jaqsy tapsyrdy, dep habarlaıdy «Qazaqstan temir joly» UK» AQ-nyń baspasóz qyzmeti.
Baspasóz málimetterine qaraǵanda, ekspedıtorlardy oqytý Qazaqstan ulttyq ekspedıtorlar qaýymdastyǵy Logıstıka jáne basqarý ortalyǵynda ótkizildi. Bul Ortalyq Azııadaǵy mamandardy FIATA standarty boıynsha ázirleıtin birden- bir mekeme.
«Kólik-logıstıkalyq kesheni ekonomıkanyń mańyzdy sektory bolyp sanalady. Onyń ýaqyt talabyna oraı mamandar daıarlaýy atalmysh salanyń damyp kele jatqandyǵyn kórsetedi»,-deıdi «KTZ Express» AQ Adamı resýrstardy basqarý departamentiniń dırektory B. Sábıtova.
Onyń aıtýynsha, kompanııada personaldy oqytýǵa erekshe kóńil bólinedi. Tek qana tıimdi menedjerler kólik salasynyń aldyna qoıylǵan tapsyrmalaryndurys sheshe alady.
«KTZ Express» AQ Temirjol tasymaly departamentiniń bas menedjeri Lázzat Jumashevanyń aıtýynsha, kompanııanyń shtat quramynda FIATA dıplomdary bar mamandardyń bolýy halyqaralyq ekspedıtorlyq tájirıbede keńinen qoldanylyp otyrǵan FIATA qujattary men formalaryn qoldaný quqyǵyn beredi.
