KTK joǵary lıgasy Astanada dýmandy ázil keshin ótkizedi
ASTANA. 29 mamyr. QazAqparat - Astana qalasynyń 15 jyldyǵyn merekeleý is-sharalary aıasynda qalada «Elorda kýbogy» Halyqaralyq KTK festıvali ótedi.
Astanada ázil merekesi osymen ekinshi ret uıymdastyrylǵaly otyr. Jyl saıyn eń tanymal da ataqty KTK komandasy qala turǵyndary men qonaqtaryn jarqyn kúlkimen qýantyp júr.
Bıylǵy jyly dýmandy ázil festıvaline Qazaqstan, Qyrǵyzstan jáne Reseıdiń «Pıatıgorsk qalasy» - «Azııa Mix» quramasy, «Raısy», «Kamyzıakı» jáne festıval ıeleriniń «Qazaqtar» komandasy qatyspaq.
Ótken jyly qala turǵyndary men qonaqtary álemniń ataqty da halyq súıispenshiligine bólengen KTK komandalary - «Abhazııa narttary» (Sýhýmı q.), «Ýezdik qala» (Chelıabi-Magnıtogorsk), «Prıma» (Kýrsk q.) jáne Qazaqstannyń quramasy («Qazaqtar», «Astana.kz» KTK) jáne basqalardyń ónerin tamashalaǵan bolatyn.
Merekelik is-sharalar aýqymynda elorda kýbogy úshin ótetin KTK ekinshi qazaqstandyq festıvali tamasha ónerdiń dýmanyna aınalyp, kórermenderge keremet kóńil-kúı syılamaq.
