KTK telearnasynyń operatory joǵalyp ketti
ALMATY. QazAqparat - KTK arnasynyń qyzmetkeri 30 jastaǵy Oljas Belgibaevty týystary bes kún boıy izdestirip jatyr, dep habarlaıdy QazAqparat tilshisi.
21 sáýir kúni úıinen shyqqan ol sodan beri habarsyz, telefony da sóndirýli. Ákesiniń aıtýynsha, bul uly jasaıtyn qylyq emes.
«Sol kúni túsirilimderim bar, keshke kınoǵa baramyn dedi. Keshke úıge kelgen joq. Telefony jeksenbi kúni de sónip jatqan kórinedi. Ne bolǵanyn bilmeımin. Eshkimde sharýasy joq, tynysh bala bolatyn. Polıtsııaǵa aryz berip qoıdyq»,-deıdi ákesi.
Onyń joǵalǵany týraly aqparat áleýmettik jelilerge taratylyp, polıtsııa KTK arnasynyń operatoryn izdeý ústinde.
«Іzdestirý boıynsha jedel top qurylyp, Belgibaevtyń qaıda júrgenin anyqtaý boıynsha jumystar bastalyp ketti»,-deıdi jergilikti ІІD ókili Saltanat Ázirbek.
Oljas Belgibaev qaladaǵy birneshe KTK jáne «Almaty» sııaqty birneshe telearnada jumys istegen.
