KTK oıynshysy N. Qoıanbaev kıno túsirmek
ASTANA. 12 sáýir. QazAqparat - KTK-nyń belgili oıynshysy, telejúrgizýshi ári telejobalardyń prodıýseri Nurlan Qoıanbaev endi kıno túsirmek.
El telearnalarynyń birinde 16 sáýirde kórsetiletin jańa týyndynyń janry álemdik televızııada keń taralǵan. Ol ázilge toly qysqa bólimderden turatyn komedııa. 12 jyl boıy halyqaralyq KTK oıyndarynda oınaǵan Nurlan Qoıanbaev, kıno túsirý týraly sheshim bir kúnde kelmegendigin aıtady.
«Halyqqa otbasy túgel otyryp, uıalmaı kóre beretin bir tartymdy, sapaly ónim usynsaq deımiz. Jańa telehıkaıa «Bazarbaevtar» dep atalady. Túsirý jumystary qyzý júrip jatyr», - deıdi ol.
Ómiri qyzyqqa, bazarǵa toly qarapaıym Bazarbaevtar otbasynyń tirligi jaıly hıkaıanyń jelisi Almatydaǵy úsh bólmeli páterde órbıdi.
Basty rólderdi Bekjan Turys, Kúnsulý Turǵynbekqyzy, Gúlnár Sılbaeva men Nurjan Tutov somdaıdy.
