KQK-ǵa shabýyl saldarynan kelgen shyǵyndy eseptep jatyrmyz – Energetıka mınıstri

ASTANA. KAZINFORM — Kaspıı qubyr konsortsıýmyna shabýyl saldarynan kelgen shyǵyn eseptelinip jatyr. Bul týraly búgin Energetıka mınıstri Erlan Aqkenjenov aıtty.

- Sońǵy shabýyldan keıin Energetıka mınıstrlgi azamattyq ınfraqurylymǵa, ásirese asa mańyzdy sanalatyn ınfraqurylymǵa shabýyl jasaýǵa jol berýge bolmaıtynyn málimdedi Qazaqstan óndiretin munaıdyń 80 paıyzy Kaspıı qubyr konsortsıýmy arqyly eksportqa shyǵarylatyny eshkimge de qupııa emes, - dedi mınıstr BAQ ókilderine arnalǵan brıfıngide.

Erlan Aqkenjenov KQK halyqaralyq zańnamaǵa sáıkes qurylǵanyn, aktsıonerleriniń basym bóligi Eýropa, AQSh jáne Qazaqstan ekenin atap ótti.

- Tek shaǵyn bóligi ǵana reselik kompanııaǵa tıesili. Sondyqtan Syrtqy ister mınıstrliginiń saıası málimdemesine sáıkes, Qazaqstan azamattyq asa mańyzdy ınfraqurylymǵa mundaı shabýyldy aıyptaıdy. Biz oǵan jol berýge bolmaıdy dep sanaımyz, - dedi mınıstr.

Onyń atap ótýinshe, aldymen KQK-ǵa shabýyl saldarynan kelgen shyǵyndy baǵalaý qajet. Sodan keıin ǵana Qazaqstan atalǵan somaǵa baılanysty is-áreket jasaıdy.

- Oqıǵanyń odan ary qalaı órbıtinine Syrtqy ister mınıstrligi túsinikteme beredi dep oılaımyn. Energetıka mınıstrligi tarapynan saıası málimdeme bolýy múmkin emes. Biz energetıka salasyndaǵy saıasatty júzege asyratyn organbyz, - dedi Erlan Aqkenjenov.

11 jeltoqsanda Energetıka mınıstrligi buqaralyq aqparat quraldarynda Qazaqstan KQK termınalyndaǵy oqys oqıǵa saldarynan «4 mln tonna munaıdan aıyryldy» degen aqparat jalǵan ekenin jáne bul tehnıkalyq kórsetkishterdi durys túsinbeýden týyndaǵanyn habarlady.