QTF tańdaýly eki jankúıerge Devıs Kýbogy úshin Argentınada bolatyn matchqa joldama tapsyrdy

Aıta ketelik, QTF www.sports.kz saıtynda Qazaqstan men Chehııa quramalary arasynda ótken oıyn boıynsha pikir jazý nátıjelerin saraptamadan ótkize kelip, «Jankúıer, sen Argentınada qajetsiń!» aktsııasy aıasynda eń úzdik dep tanylǵan túsindirme avtorlaryna Býenos-Aıreste ótetin aqtyq tennıs oıyndaryna joldama taǵaıyndaý jóninde sheshim shyǵarǵan bolatyn.

Qazaqstan quramasynyń barlyq oıyndaryn úzbeı tamashalap, aıryqsha qyzyǵýshylyq tanytqan jankúıerlerdiń saıtta jarııalanǵan túsindirmeleri saraptamadan ótkizilip, nátıjesinde eki azamat aqtyq synda Qazaqstan kuramasyna qoldaý kórsetýge laıyqty dep tanyldy. Olar - oraldyq Meırambek Shaljanov jáne astanalyq Damır Orazov.

Konferentsııa barysynda QTF vıtse-prezıdenti Ádil Bórlibaev eki azamatqa Argentınaǵa barý-qaıtý shyǵyndaryn tolyǵymen kóteretin joldama, úsh kúndik tennıs týrnırine bıletter men ulttyq naqyshtaǵy QR jankúıerleriniń kıimin tapsyrdy.

Ádil Bórlibaev oıyn barysyndaǵy jankúıerlerdiń qoldaýy sportshylarǵa qosymsha kúsh qosatyndyǵyn alǵa tartyp, «Jankúıer, sen Argentınada qajetsiń!» aktsııasynyń mańyzyn erekshe atap ótti. «Chehııa men Shveıtsarııa quramalarymen bolǵan kezdesýde otandyq jankúıerler erekshe qoldaý kórsetti, olardyń shynaıy qoldaýy sportshylarymyzǵa úlken demeý bolady, sondyqtan da biz qazir Argentınadaǵy aqtyq synǵa baratyn jankúıerler quramasyn jasaqtap jatyrmyz. Álemdik deńgeıdegi jarysta oıynshylarymyzǵa úzdiksiz ári serpindi qoldaý kórsetýimiz qajet, sebebi komandanyń jeńisi - eldiń jeńisi», - dedi ol.

Sonymen qatar Ádil Bórlibaev Argentınadaǵy el namysyn qorǵaýǵa baratyn Qazaqstan quramasynyń múshelerin atap berdi. Olar - Andreı Golýbev, Mıhaıl Kýkýshkın, ıÝrıı Şıýkın jáne Evgenıı Korolev.