Kitaphanalarda aqyly is-shara ótkizip, tabys tabýǵa ruqsat berilmek

ASTANA. KAZINFORM – Elimizde memlekettik kitaphanada bilim berý jáne mádenı is-sharalardy aqyly ótkizý quqyǵy berilýi múmkin. Bul týraly Májilis depýtaty Ashat Aımaǵambetov málim etti.

- Kitaphana qoryn damytý jáne kitap basylymyn qoldaý zań jobasynda memlekettik kitaphanalardyń qoryn saqtaý jáne keńeıtý sharalary qarastyrylǵan. Bul qadam ádebıettiń qoljetimdiligin arttyrýǵa jáne kitaphanalar júıesin nyǵaıtýǵa baǵyttalǵan. Sonymen qatar zań jobasynda memlekettik kitaphanalarǵa bilim berý jáne mádenı is-sharalardy aqyly negizde ótkizý quqyǵyn berý, sol arqyly qosymsha qarajat tabý týraly norma bar. Bul ózgeris kitaphanalardyń rólin tek kitap saqtaý orny retinde emes, zamanaýı mádenı-bilim berý ortalyǵy retinde nyǵaıtýǵa múmkindik beredi, - dedi Ashat Aımaǵambetov Májilistiń jalpy otyrysynda.

Aıta keteıik, búgin Qazaqstan Respýblıkasynyń keıbir zańnamalyq aktilerine mádenıet jáne bilim berý máseleleri boıynsha ózgerister men tolyqtyrýlar engizý týraly» zań jobasy Májilistiń birinshi oqylymynda qaralyp jatyr.

Eske sala ketsek, byltyr kúzdegi statıstıka boıynsha elimizde 9,5 myńnan astam kitaphanashy, 73 mıllıonǵa jýyq kitap bar. 

Buǵan deıin habarlaǵanymyzdaı elimizde jarystarda ozat bolǵan oqýshylardyń ustazdaryna bir rettik syıaqy berýdi zańdastyrý máselesi qaralyp jatyr.