«Kitap oqıtyn ult» jobasyna eki aptada mıllıonnan astam adam tirkeldi
ASTANA. KAZINFORM – «Kitap oqıtyn ult» respýblıkalyq jobasyna qatysýǵa eki aptanyń ishinde mıllıonnan astam qazaqstandyq tirkeldi, dep habarlaıdy QR Mádenıet jáne aqparat mınıstrligi.
Joba Memleket basshysynyń «Kitap oqý mádenıetin damytý jáne zerdeli ult qalyptastyrý jónindegi sharalar týraly» Jarlyǵyn oryndaý aıasynda júzege asyrylyp jatyr.
Qatysýshylar baıqaýdyń jeti baǵytynyń birin tańdaı alady. Tirkelgennen keıin olar alty aı ishinde 15 kitap oqyp, uıymdar, aýdandar, qalalar men óńirler deńgeıindegi birneshe irikteý kezeńinen ótedi. Óńirlik kezeńdegi saıys komandalyq formatta uıymdastyrylady.
– Nebári eki aptanyń ishinde mıllıonnan astam adamnyń tirkelýi bul bastamanyń halyq arasynda úlken qyzyǵýshylyq týdyrǵanyn kórsetedi. Kitap oqý mádenıetin damytý – barshamyzǵa ortaq mindet, – dedi QR Mádenıet jáne aqparat mınıstri Arman Qyryqbaev.
Óńirlik kezeńniń qorytyndysy boıynsha tórt myńǵa jýyq qatysýshy «Jyl oqyrmany» ataǵy úshin jarysty jalǵastyrady. Bul kezeńde júldeli oryn alǵandarǵa aqshalaı syılyq qarastyrylǵan. Birinshi orynǵa 600 myń teńge, ekinshi orynǵa 450 myń teńge, úshinshi orynǵa 300 myń teńge beriledi.
Kelesi kezeńde qatysýshylar esse jazyp, oqyǵan shyǵarmalary boıynsha tanystyrylym jasap, sarapshylar alqasynyń aldynda sóz sóıleıdi. Nátıjesinde ár óńirden on úzdik oqyrman anyqtalady.
Astanada ótetin respýblıkalyq fınalǵa elimizdiń 20 óńirinen 200 adam qatysady. Olar testileýden ótip, baıqaý tapsyrmalaryn oryndaıdy jáne qazylar alqasynyń aldynda bilimin sarapqa salady.
Fınal qorytyndysynda Qazaqstannyń úzdik on oqyrmany anyqtalyp, olardyń árqaısysyna 10 mln teńge kóleminde bas júlde beriledi.
Aıta keteıik, Astana mektepterinde ata-analarǵa arnalǵan kitap oqý buryshtary ashyldy.
