«Kitap oqıtyn ult» marafonyna 1 mıllıonnan astam adam qatysady
ASTANA. KAZINFORM — Qatysýshylar arnaıy usynylǵan tizimdegi qazaq jáne orys tilderindegi 300-den astam shyǵarmanyń ishinen tańdaý jasap, 15 kitapqa deıin oqı alady.
Qazaqstan Respýblıkasy Mádenıet jáne aqparat mınıstrliginiń qoldaýymen Kreatıvti ındýstrııalardy damytý qory men «Kitap oqıtyn ult – Chıtaıýşaıa natsııa» qoǵamdyq qory ulttyq ádebıetti qoldaý, oqyrman qataryn arttyrý jáne otandyq kitap ındýstrııasyn damytý baǵytynda yntymaqtastyq týraly memorandýmǵa qol qoıdy.
Atalmysh bastama Memleket basshysynyń «Kitap oqý mádenıetin damytý jáne zerdeli ult qalyptastyrý jónindegi sharalar týraly» Jarlyǵyn iske asyrý aıasynda qolǵa alynyp otyr. Bul eldegi kitap oqý mádenıetin keńinen nasıhattaıtyn mańyzdy jobalardyń birine aınalmaq.
Yntymaqtastyq aıasyndaǵy aýqymdy bastamanyń biri – respýblıkalyq «Kitap oqıtyn ult» marafony. Bıyl marafonǵa bir mıllıonnan astam adamdy tartý josparlanǵan. Qatysýshylar arnaıy usynylǵan tizimdegi qazaq jáne orys tilderindegi 300-den astam shyǵarmanyń ishinen tańdaý jasap, 15 kitapqa deıin oqı alady. Nátıjesinde joba aıasynda oqylym sanyn 15 mıllıonǵa deıin jetkizý kózdelip otyr.
Memorandým aıasynda forýmdar, festıvalder, kitap kórmeleri, shyǵarmashylyq kezdesýler, dárister, semınarlar jáne ózge de mádenı-aǵartýshylyq is-sharalar uıymdastyrylady. Olardyń barlyǵy kitap oqýdy keńinen dáripteýge, otandyq qalamgerler men baspalardy, kitap salasyn qoldaýǵa, ádebıet pen kreatıvti ındýstrııa arasyndaǵy baılanysty nyǵaıtýǵa yqpal etedi.
Aıta ketelik otbasymen birge oqýǵa jıi tańdalatyn 10 kitap anyqtalǵan edi.
