«Kitap oqıtyn ult» marafony aıasynda Ábish Kekilbaevtyń «Úrker» romany talqylandy
ASTANA. KAZINFORM — Astanada «Kitap oqıtyn ult» respýblıkalyq marafony aıasynda Qazaq Creative uıymdastyratyn «Avtormen kezdesý» ádebı jobasynyń kezekti jıyny ótti.
Qatysýshylar kórnekti qalamger Ábish Kekilbaevtyń «Úrker» romanyn talqylady. Shyǵarmada sýrettelgen tarıhı kezeń, el basqarý máseleleri men keıipkerlerdiń obrazdary jóninde pikir almasty.
Kezdesýge sarapshy retinde ádebıettanýshylar Baqtybaı Jaılaý men Ánýarbek Bımaǵambet shaqyryldy. Olar romannyń kórkemdik erekshelikterin taldap, tarıhı mazmuny men búgingi oqyrman úshin mańyzyn túsindirdi. Sondaı-aq qatysýshylardyń suraqtaryna jaýap berdi.
Іs-sharada ádebı mura, el tarıhy men ulttyq qundylyqtar týraly oılar ortaǵa salyndy.
«Avtormen kezdesý» jobasy otandyq ádebıetti nasıhattaýǵa, jastardy kitap oqýǵa baýlýǵa jáne oqyrman mádenıetin qalyptastyrýǵa baǵyttalǵan.
Mádenıet jáne aqparat mınıstrligi málimetinshe, joba aıasyndaǵy alǵashqy kezdesý jazýshy, dramatýrg, Abaı atyndaǵy memlekettik syılyqtyń laýreaty Roza Muqanovanyń qatysýymen ótti.
Aıta keteıik, Respýblıka kúni qarsańynda «Kitap oqıtyn ult» jobasynyń ánurany men beınebaıany jaryq kórdi. Týyndy kitap oqý mádenıetin dáriptep, bilimniń qoǵam damýyndaǵy mańyzyn nasıhattaýǵa baǵyttalǵan.
