Kitap oqyp, sportpen shuǵyldanatyn jastar arasynda baıqaý bastaldy

ASTANA. KAZINFORM — Mádenıet jáne aqparat mınıstrligi jastar arasynda SportArtFest baıqaýy bastalǵanyn habarlady. 

Barlyq óńirden kelgen komandalar bilim, sport jáne shyǵarmashylyq qabileti boıynsha úzdik ataný úshin baq synaıdy. 

SportArtFest baıqaýy QR Mádenıet jáne aqparat mınıstrliginiń qoldaýymen «Ules» jobasy aıasynda ótkizilip jatyr.

Atalmysh is-shara jastardy oqýǵa, ónerge jáne sportqa baýlý, sondaı-aq elimizde salaýatty orta qalyptastyrýǵa baǵyttalǵan.

Baıqaýdyń alǵashqy úsh kezeńi óńirlik deńgeıde, tórtinshisi respýblıkalyq deńgeıde ótedi. Ár komandada 5 adam bar.

Áýeli toptar Qazaqstan tarıhy, otandyq jáne álemdik sport, mádenıet salasy boıynsha suraqtardan turatyn zııatkerlik test tapsyrady.

Sodan keıin komandalar sporttyq chellendjden ótýi kerek. Al, úshinshi kezeńde olardy uıymdastyrýshylar bekitken bes kitap boıynsha IQ-buttle kútedi. 

Fınalıster Almatyda ótetin respýblıkalyq kezeńde óńir namysyn qorǵaýǵa barady. Júlde qory — 1 600 000 teńge.

Konkýrsqa 8 tamyzǵa deıin myna siltemede tirkelýge bolady.