Kitap oqyǵan urpaq ozyq oıly bolady — Prezıdent

ASTANA. KAZINFORM — Prezıdent Qasym-Jomart Toqaev qazaqstandyqtardy 23 sáýir — Ulttyq kitap kúnimen quttyqtady.

Bul týraly QR Prezıdentiniń keńesshisi — Baspasóz hatshysy Rýslan Jeldibaı málimdedi.

— Byltyr Atyraýda ótken Ulttyq quryltaıda Memleket basshysy Ulttyq kitap kúnin belgileý jóninde tapsyrma bergen bolatyn. Soǵan sáıkes, bıyldan bastap 23 sáýir — Ulttyq kitap kúni bolyp belgilendi. Ataýly kúnge oraı Prezıdent Qasym-Jomart Toqaev qazaqstandyqtardy quttyqtady, — dedi Rýslan Jeldibaı.

Memleket basshysy óz quttyqtaýynda Ulttyq kitap kúni — bilimpazdyq, izdenimpazdyq, kitapqumarlyq sııaqty ıgi qasıetterdi dáripteıtin kún ekenin atap ótti.

— Bıyl alǵash ret atalyp jatqan Ulttyq kitap kúni qutty bolsyn! Bul — bilimpazdyq, izdenimpazdyq, kitapqumarlyq sııaqty ıgi qasıetterdi dáripteıtin kún. Kitap oqyǵan urpaq ozyq oıly bolady. Sapaly ult osyndaı qundylyqtar arqyly qalyptasady, — delingen quttyqtaýda.

Osyǵan deıin Qazaqstanda kelesi jyldan bastap Ulttyq kitap kúni toılanatynyn jazǵan edik.

Sonymen qatar Ulttyq kitap kúnine arnalǵan is-sharalar aptalyǵy bastalǵany habarlandy.