QSZI sarapshysy «Pedagogtardyń mártebesi» týraly qujatqa pikir bildirdi

ASTANA. QazAqparat - Qazaqstandaǵy búldirshinderdi bilim berýdiń zamanaýı standarttarymen oqytýǵa nazar aýdarylady. Bul týraly Elbasy Joldaýyna qatysty pikirinde QR Prezıdenti janyndaǵy Qazaqstan strategııalyq zertteýler ınstıtýty dırektorynyń orynbasary Mádına Nurǵalıeva málim etti, dep habarlaıdy QazAqparat.

«2023 jylǵa deıin bilimge, ǵylymǵa jáne densaýlyq saqtaý salasyna baǵyttalatyn qarjyny Jalpy ishki óniminiń 10 paıyzyna deıin arttyrý josparlanyp otyr. Árıne, bul óte mańyzdy mindet», - dep toqtaldy sarapshy.

Onyń sózine qaraǵanda, qazirgi kezde Qazaqstan ǵylymǵa JІÓ-ge shaqqanda 0,14 paıyz deńgeıinde, bilimge JІÓ-niń 3,8 paıyzy jáne densaýlyq saqtaý salasyna JІÓ-niń 3,5 paıyzy kóleminde qarjy jumsap keledi. Osy rette atalǵan salalarǵa 7,5 paıyz shamasynda qarjy baǵyttalýda.

«Bıylǵy Joldaýda óskeleń urpaqqa erekshe nazar aýdarylyp otyrǵanyn aıryqsha baıqaýǵa bolady. Memleket basshysy jalpy bilim berý sapasyn kóterý máselesine ekpin qoıdy. Qazirgi zamanǵy ómir jaǵdaıy balalardy bolashaqqa tyńǵylyqty daıarlaýdy talap etedi. Osy oraıda tárbıeshilerge qatysty biliktilik talaptaryn qaıta qaraý eskerilip otyr. Sonymen qatar, olardyń eńbekaqy tóleý júıesin qarastyrýǵa nazar aýdaryldy. Atap aıtqanda, mektepke deıingi bilim berýde oqytýdyń jańa ádisnamalaryn engizýge qatysty naqty qadamdar iske asyrylatyn bolady. Bul turǵyda bizdiń balalar bilim berýdiń jańa paradıgmasynda oqıdy», - dedi Mádına Nurǵalıeva.

Sarapshynyń paıymdaýynsha, «Pedagogtardyń mártebesi» týraly Zań qabyldaý óte mańyzdy qadam bolyp otyr.

«Osy qujattyń qajettiligi burynnan sezilýde. Muǵalimder eldegi jańǵyrtý ózgeristeriniń kóshbasshysy. Sondyqtan da olardy baǵalap, syılastyqpen qarap, qamqorlyq jasaýymyz qajet. Osy oraıda muǵalimniń mártebesi men ataǵyn kóterý - óte qajetti qadam», - dep túıdi Mádına Nurǵalıeva.

Budan buryn habarlanǵandaı, Elbasy Nursultan Nazarbaev Qazaqstan halqyna arnalǵan Joldaýynda balabaqshalarda tárbıeshiler jalaqysyna qatysty tapsyrma berdi.

Munymen qosa Prezıdent mekteptegi aıaǵy joq reformalarǵa sońǵy sheshim jasalatynyn qadap aıtty.

Joldaý júktegen mindetterdiń arasynda ǵylym men densaýlyq salalaryna qarjylandyrý kólemin arttyrý maqsaty eskerilgen.

Nursultan Nazarbaev Qazaqstan halqyna Joldaýy barysynda 2019 jyly Qazaqstanda «Pedagogtardyń mártebesi» týraly Zań qabyldanatynyn atap ótti.

Foto: www.kisi.kz