QSZI ǵylymı qyzmetkeri Anna Alshanskaıa: Konstıtýtsııa - azamattardyń eńbek quqyqtarynyń kepildigi

ASTANA. QazAqparat - Eldiń basty zańy bılik jáne qoǵam ınstıtýttarynyń irgetasyn qalyptastyrdy, Qazaqstannyń áleýmettik-ekonomıkalyq damýynyń qajetti sharttaryn jaratty, sondaı-aq eńbek naryǵynyń nyǵaıýyna úles qosty. Mundaı pikirin QR Prezıdenti janyndaǵy Qazaqstandyq strategııalyq zertteýler ınstıtýtynyń  (QSZI) ǵylymı qyzmetkeri Anna Alshanskaıa bildirdi, dep habarlaıdy QazAqparat.

Konstıtýtsııanyń basty qaǵıdasy -  mamandyqtar men qyzmet etetin alańdy tańdaýda,  eńbek etýde bostandyqtyń bolýy. Azamattardyń  qaýipsiz eńbek sharttary, atqarǵan qyzmetteriniń laıyqty baǵalanýy men jumyssyzdyqtan áleýmettik qorǵalýy memleket tarapynan konstıtýtsııalyq quqyqpen qorǵalady jáne  olarǵa kepildik beriledi.

Halyqty jumyspen qamtý Qazaqstannyń memlekettik saıasatynyń basty mindetteriniń biri bolyp tabylady.  Eńbek quqyqtary jumyspen qamtylý úrdisterin nyǵaıtty. Bul jumyspen qamtylýdyń joǵary dárejesiniń saqtalýy men álemdik ólshemde - jumyssyzdyqtyń azaıýyna oń áserin  tıgizdi.   1995 jyldan beri eldegi jumyssyzdyq deńgeıi 2 esege azaıdy. Jumyssyzdyqtyń jastar arasyndaǵy kórsetkishi tómendedi. Jumysbasty bir qyzmetkerdiń JІÓ 2 esege ósip, 45,6 myń  AQSh dollaryn qurady. Sonymen qatar, halyqtyń jumyspen qamtylý kórsetkishi  de ózgeriske ushyrady. Joǵary jáne orta arnaıy bilimi bar azamattardyń úlesi jalpy jumyspen qamtylǵan halyq úlesinde 70%-ǵa deıin jetti.  

Búgingi tańdaǵy aqparattandyrý men ǵylymı-tehnıkalyq úrdisterdiń arqasynda  eńbek naryǵynyń  damýshy sektorlary men ekonomıkanyń salalarynda eńbek naryǵynyń jańarýyna qajettilik týyndaýda. Bul úrdistegi áleýmettik-eńbek qatynastary men jumys oryndarynyń saqtalýynda  qyzmetkerlerdiń zańmen qorǵalýy basty talap bolyp qalýy qajet.