QSZI-da «Jańa Qazaqstan: mazmuny men máni» taqyrybynda saraptamalyq pikirtalas ótti
Sharany QSZI dırektory Erkin Tuqymov ashty. Bul saraptamalyq pikirtalas «Jańa Qazaqstan» ıdeologemasynyń mazmuny men nysany boıynsha Qazaqstan Respýblıkasy Prezıdentiniń janyndaǵy QSZI bastamasymen júrgiziletin talqylaýlar tsıklindegi kezekti shara boldy.
Basqosýǵa ult zııalylary, ǵalymdar, saıasattanýshylar, mádenıet qaıratkerleri men jastar ókilderi qatysty.
Talqylaýdyń birinshi bóligi barysynda Memleket tarıhy ınstıtýtynyń dırektory Erkin Ábil, L.N. Gýmılev atyndaǵy Eýrazııa ulttyq ýnıversıtetiniń prorektory Dıhan Qamzabek, osy joǵary oqý ornyndaǵy fılosofııa kafedrasynyń professory Kúltaı Medeýova, E.A. Bóketov atyndaǵy Qaraǵandy memlekettik ýnıversıtetiniń professory Vladımır Batýrın, sondaı-aq basqa da uıymdardyń ókilderi óz pikir-usynystaryn aıtty.
Talqylaýdyń ekinshi bóligine Memleket tarıhy ınstıtýtynyń jetekshi ǵylymı qyzmetkeri Jaqsylyq Sábıtov, Qaraǵandy tehnıkalyq ýnıversıtetiniń prorektory Aıjan Temerbaeva, «Jastar» ǴZO taldaý jáne kommýnıkatsııalar bóliminiń meńgerýshisi Saǵynysh Ahantaeva, Sh.Ýálıhanov Tarıh jáne etnologııa ınstıtýtynyń ǵylymı qyzmetkeri Almas Júnisbaı, Nazarbaev Ýnıversıtetiniń Injenerlik mektebiniń doktoranty Ásııa Ermuhambetova jáne basqa da akademııalyq jáne azamattyq sektordaǵy jastar ókilderi qatysty.
Talqylaýǵa qatysýshylar elimizdiń damý kún tártibine qatysty túrli pikirlerin ortaǵa saldy. Saıası, ekonomıkalyq jáne áleýmettik reformalar máseleleri qozǵaldy.
