QSZI álemdegi úzdik 100 ortalyqtyń qataryna endi
Mundaı joǵary baǵany ınstıtýtqa búkil álemdik saralaý jáne reıtıngti baqylaý ortalyǵy berip otyr. Arnaıy marapatty Pensılvanııa ýnıversıtetiniń Azamattyq qoǵam jáne saraptaý ortalyǵy baǵdarlamasynyń dırektory Djeıms Makgann tabystady.
Reıtıng joǵary oqý ornynyń zertteýi boıynsha anyqtalady. Bilikti mamandar 1989 jyldan beri álemdik saralaý ortalyqtaryn zertteýmen aınalysyp keledi. Qazaqstan strategııalyq zertteý ortalyǵy byltyr da Ortalyq Azııada úzdik úshtikke engen bolatyn.
- Bul kórsetkishter biz úshin óte mańyzdy. Óıtkeni birlesken jobalardy saralap, iske asyrý úshin ortalyqtar bedeldi seriktes izdeıdi. Bul rette medıa salasynda ózindik ornyń bolý kerek. Mysaly biz byltyrǵy reıtıng boıynsha tórt atalymda aldyńǵy qatardan kórindik. Budan keıin áriptestikke degen suranys ta artty, - dedi Qazaqstan strategııalyq zertteýler ınstıtýtynyń dırektory Erlan Qarın.