QSZI 4 jyl qatarynan álemdegi jetekshi ortalyqtar reıtıngine endi
Bul reıtıng «Analıtıkalyq ortalyqtar jáne azamattyq qoǵam» baǵdarlamasy aıasyndaǵy álemdegi bedeldileriniń biri.
Bıylǵy jyly amerıkalyq ýnıversıtet 2018 jylǵy 8162 saraptamalyq ortalyqtyń qyzmetine taldaý jasaǵan, onyń 31-i Qazaqstanǵa tıesili.
2018 jyldyń sońynda «Álemdegi jetekshi sarapshylyq ortalyqtar (AQSh zertteý ortalyqtaryn qospaǵanda)» jahandyq reıtıngte QSZI álemniń 8162 ortalyqtyń arasynda 142-oryndy ıelendi.
2016 jylǵa deıin Qazaqstan Respýblıkasy Prezıdentiniń janyndaǵy QSZI belgili sanattar men baǵyttar boıynsha jahandyq reıtıngke engizilgen bolatyn. Al 2015 jyldyń qorytyndysy boıynsha 2016 jyly ol álemdegi eń myqty 150 «analıtıkalyq ortalyqtardyń» tizimine kirip, alǵash ret 6 846 jahandyq ǵylymı ortalyq arasynda 147-oryndy enshiledi. Al sońǵy úsh jylda reıtıngke qatysatyn analıtıkalyq ortalyqtardyń sany 1316-ǵa jetti.
Aıta keter jaıt, QSZI buǵan qosa Pensılvanııa ýnıversıtetiniń «Global Go To Think Tank Index Report» negizgi reıtıngine engen jalǵyz qazaqstandyq ortalyq.
Eske sala ketsek, reıtıngte 55 túrli nomınatsııa bar, olar óz kezeginde 4 negizgi topqa biriktirilgen. «Ortalyq Azııadaǵy jetekshi analıtıkalyq ortalyqtar» tobynda Qazaqstan Respýblıkasy Prezıdentiniń janyndaǵy QSZI Ekonomıkalyq jáne áleýmettik damý ortalyǵynan (Ázerbaıjan) keıin ekinshi oryndy ıemdendi.
Jalpy alǵanda, Pensılvanııa ýnıversıtetiniń «Global Go To Think Tank Index Report» reıtınginde qazaqstandyq analıtıkalyq ortalyqtardyń sany jyl saıyn artyp kele jatqanyn atap ótken jón.
Reıtıng ekonomıkalyq jáne saıası zertteýler salasyndaǵy 4 myńnan astam jýrnalıstiń, saıasatkerdiń jáne sarapshynyń qatysýymen júrgiziletin zertteý nátıjeleri boıynsha baǵalanady.
Pensılvanııa ýnıversıtetiniń jikteý reıtıngine sáıkes Kavkaz memleketteri: Ázerbaıjan, Armenııa, Grýzııa , sondaı-aq Aýǵanstan Ortalyq Azııa elderiniń tobyna jatady.