KSRO-nyń «Halyq ártisterine» beriletin ústemaqy 2 ese ulǵaıdy – Úkimet qaýlysy
ASTANA. QazAqparat – Premer-Mınıstr Álıhan Smaıylov «Memlekettik bıýdjet qarajaty esebinen ustalatyn uıymdar men qazynalyq kásiporyndardyń qyzmetkerlerine eńbekaqy tóleý júıesi týraly» Úkimet qaýlysyna qol qoıdy, dep habarlaıdy QazAqparat tilshisi.
«Burynǵy Keńestik Sotsıalıstik Respýblıkalar Odaǵynyń «Halyq» degen qurmetti ataǵy bar jáne respýblıkanyń qurmetti ataqtaryna ıe bolǵan qyzmetkerlerge bazalyq laýazymdyq aılyǵynyń 100% mólsherinde, Burynǵy KSRO-nyń «Eńbek sińirgen» qurmetti ataǵy bar jáne respýblıkanyń qurmetti ataqtaryna ıe bolǵan qyzmetkerlerge bazalyq laýazymdyq aılyǵynyń 30% kóliminde ústemaqy tólensin», - delingen Úkimet qaýlysynda.
Aıta keteıik, buryn mundaı qurmetti ataǵy bar azamattarǵa óz jalaqysynyń 50% kóleminde ústemaqy beriletin. Endi onyń mólsheri 100%, ıaǵnı tolyq aılyq mólsherine deıin ulǵaıyp otyr.
Qaýly qol qoıylǵan kúnnen, atap aıtqanda 13 sáýirden bastap kúshine endi.
