KSRO Halyq ártisi, saıqymazaqshy Oleg Popov dúnıeden ozdy
ASTANA. QazAqparat - Sársenbi, 2 qarasha kúni álemge tanymal saıqymazaqshy Oleg Popovtyń dúnıeden ozǵany málim boldy. KSRO Halyq ártisi Germanııada 86 jasqa qaraǵan shaǵynda qaıtys boldy, dep habarlaıdy QazAqparat.
Qaıǵyly habardy Máskeý úlken tsırkiniń dırektory Edgard Zapashnyı jetkizdi. «Oleg Popov dúnıeden ozdy. Muny maǵan jana ǵana «Reseı memlekettik tsırkiniń» bas dırektory Dmıtrıı Ivanov habarlasyp aıtty», - dep keltirdi Zapashnyıdyń sózin «KP».
Oleg Konstantınovıch Popov 1930 jyly 31 shildede dúnıege keldi. 1951 jyly Saratov tsırkinde alǵashqy ret arenaǵa shyqty. Ártis «Jaıdarly saıqymazaqshy» - esh ýaqytta moıymaıtyn adamnyń obrazyn jasady. Popov Keńes tsırkiniń Batys Eýropaǵa alǵashqy gastrolderine qatysty. Osy saparlar oǵan álemdik tanymaldylyq alyp keldi.
