Kishkentaı Rybakınalar: Astananyń qaı balabaqshalarynda tennıs úıretedi
ASTANA. KAZINFORM — Astanada «Qazaqstan Respýblıkasy tennıs federatsııasy» balalardyń dene belsendiligin arttyrýǵa jáne erte jastan tennıske degen qyzyǵýshylyǵyn qalyptastyrýǵa baǵyttalǵan «Baby Tennis» jobasy júzege asyryp jatyr, dep habaraıdy elorda ákimdiginiń resmı saıty.
— Atalǵan joba № 1, 11, 37, 58, 84, 89, 93, 98 balabaqshalarynda ınnovatsııalyq joba engizilgen. Al № 8, 9, 12, 15, 21, 25, 26, 27, 31, 32, 33, 35, 39, 40, 42, 43, 46, 47, 49, 54, 55, 60, 61, 63, 66, 67, 69, 70, 71, 72, 73, 75, 76, 78, 79, 83, 87, 88, 90, 91, 94, 95, 97, 99 balabaqshalarynda qosymsha retinde tennıs elementteri ótip jatyr, — delingen habarlamada.
Vedomstvonyń málimetinshe, jobanyń negizgi maqsaty — mektep jasyna deıingi balalardy tennıstiń bastapqy elementterimen tanystyrý, raketkany durys ustaý jáne dopty basqarý daǵdylaryn qalyptastyrý arqyly olardyń eptiligin, qımyl dáldigin, tepe-teńdikti saqtaý qabiletin jáne qozǵalys úılesimdiligin damytý.
Baǵdarlama mazmuny balalardyń jas erekshelikterin eskere otyryp, oıyn arqyly tennıstiń qarapaıym tásilderin meńgerýge baǵyttalǵan. Dopty domalatý, laqtyrý, qaǵyp alý jáne raketkamen baǵyttaý sııaqty jattyǵýlar qol men kóz qımylynyń úılesimdiligin jetildirýge, keńistikti baǵdarlaý qabiletin damytýǵa jáne zeıindi shoǵyrlandyrýǵa yqpal etedi. Sonymen qatar balalardyń jeke múmkindikterin eskerýge jáne qımyl-qozǵalys jattyǵýlaryn qaýipsiz ortada oryndaýyna jaǵdaı jasaýǵa erekshe mán beriledi.
«Baby Tennis» jobasy mektep jasyna deıingi balalardyń qımyl-qozǵalys tájirıbesin baıytyp, dene qabiletterin damytýǵa, sportpen júıeli aınalysýǵa degen qyzyǵýshylyǵyn arttyrýǵa jáne salaýatty ómir saltyna baýlýǵa yqpal etedi.
Budan buryn balany úlken tennıske berý qansha turatynyn jazdyq.
