Kishkentaı, biraq óte epti: Kólsaıda aqkis kameraǵa túsip qaldy
ASTANA. KAZINFORM — «Kólsaı kólderi» ulttyq parkiniń Qarabulaq ormanshylyǵyna qarasty Qaıyńdy saıynda tabıǵattyń kishkentaı ári shapshań turǵyny – aqkis beınekameraǵa túsip qaldy.
Aqkis (Mustela erminea) – sýsarlar tuqymdasyna jatatyn jyrtqysh. Kishkentaı bolǵanymen, qımyly shapshań, ózi óte saq. Negizinen usaq kemirgishtermen qorektenip, tabıǵattaǵy tepe-teńdikti saqtaýǵa kómektesedi.
Al eń qyzyǵy, aqkis jyl mezgiline qaraı «kıimin aýystyrady».
Jazda júni qońyrqaı bolsa, qysta appaq túske enedi. Bul oǵan qar arasynda kózge túspeı, jaýlarynan jasyrynýǵa jáne jemtigine baıqatpaı jaqyndaýǵa kómektesedi.
Tabıǵattyń árbir kishkentaı turǵyny – úlken ekojúıeniń mańyzdy bóligi.
Vıdeo avtory: Qarabulaq ormanshylyǵynyń memlekettik ınspektory B. M. Qoıshybaev.
Aıta keteıik, Sharyn ulttyq parkinde sırek kezdesetin ózen kámshaty fototuzaqqa tústi.
