Kishi jáne úlken Almaty ózenderinde sý deńgeıi kóteriledi

ALMATY. KAZINFORM – Búgin Almaty taýlarynda sel qaýpi joǵary. Osyǵan baılanysty tótenshe jaǵdaılar departamenti turǵyndarǵa taýǵa shyqpaý kerektigin eskertti.

18 tamyz kúni jańbyr jaýyp, aýa temperatýrasynyń kóterilýine baılanysty, Kishi jáne Úlken Almaty ózenderde sý deńgeıiniń kóterilýi kútilýde. Almaty qalasynda jáne oǵan irgeles taýly aımaqta sý tasyqyny bolýy múmkin.

«Taý ózenderi boıynsha gıdrometeorologııalyq aqparatqa sáıkes, Іle Alataý taýlarynda qatty jaýyn-shashynnyń boljamyna baılanysty ózen, kólderde sý kóterilýi múmkin», - dep eskertti departament ókilderi.

Qazseldenqorǵaý bólimsheleri sel qaýpi bar ýchaskelerde baqylaýdy kúsheıtilgen rejımge aýystyryp, aerovızýaldy jáne jergilikti baqylaý júrgizilýde, ınjenerlik-tehnıkalyq qyzmetkerlerdiń táýlik boıy kezekshiligi uıymdastyryldy.

Sel qaýpi bar jerde ne isteý kerek:

- taýdaǵy jaǵdaı týraly buqaralyq aqparat quraldarynyń habarlaryn únemi qadaǵalap otyrý;

- eger qaýip tónse, nemese kenetten sel bolsa, releftiń eń bıik núktesine kóterilińiz;

- sel qaýpi bar kanaldardyń janynda, kópirlerde (bógetterde) jáne olardyń astynda shatyr tikpeý, aıaldamaý.