Kishi Taldykóldegi ekopark 2026 jyly salynady
ASTANA. KAZINFORM — Astana ákimi Jeńis Qasymbek Kishi Taldykóldegi ekopark qurylysynyń ne sebepti bıylǵy kóktemde bastalmaǵanyn túsindirdi.
Ákimniń qalada kógaldandyrý boıynsha kóptegen jobalar júzege asyp jatqanyn atap ótti. Olardyń qatarynda «Grın Laın», Trıatlon parkinen Atatúrik baǵytyna qaraı jaǵalaý, Úrker, Prıgorodnyı, Kóktal jáne basqa da aýmaqtar bar.
— Alaıda byltyr kógaldandyrý men abattandyrýǵa qarastyrylǵan bıýdjet jetkiliksiz boldy. Biz esep júrgizip, naqty Nura aýdanyndaǵy turǵyndardyń pikirin eskere otyryp, eń aldymen «Grın Laın» jobasyn aıaqtaý qajet degen sheshimge keldik. Han Shatyrdan Sh. Aıtmatov kóshesine deıingi bul joba óte uzaq ýaqyt buryn ýáde etilgen edi. Ol kelesi jyly tolyq aıaqtalady. Al Taldykóldegi ekopark boıynsha negizgi jumystar kelesi jylǵa josparlanyp otyr. Kelesi jyly onyń negizgi bóligin barynsha aıaqtaýǵa tyrysamyz. Degenmen, keıbir jumystar 2027 jylǵa qalýy múmkin, — dedi Jeńis Qasymbek.
Al burynǵy kól aýmaǵyn ishinara topyraqpen kómip tastaǵan qurylys salýshylarǵa qatysty ákim sý aımaǵy sheginde eshqandaı qurylys júrgizýge ruqsat berilmegenin aıtty.
— Qorǵalatyn sý aımaqtarynyń shekarasyn aıqyndaıtyn sot sheshimi bar. Bul aýmaqtarda qurylys salýǵa tyıym salynǵan. Qazirgi jumystar Taldykóldiń jaǵdaıy eskerile otyryp, sý qorǵaý aımaǵynan shyǵarylǵan jer telimderinde júrip jatyr, — dep atap ótti qala basshysy.
Sonymen birge, Jeńis Qasymbek 2023 jyly sot sheshimimen sý qorǵaý aımaqtary men saqtalýy qajet ýchaskeler aıqyndalǵanyn aıtty. Bul Kishi Taldykóldiń besinshi jáne jetinshi ýchaskeleri, olardyń birinde bolashaq ekopark salynady.
— Sondaı-aq belsendiler toǵyzynshy ýchaskeni saqtaý úshin sot tártibimen kúresti jalǵastyryp jatyr. Sot belgilegen aýmaqtyń barlyǵy tolyq kólemde saqtalady. Al Úlken Taldykól boıynsha jumystar eki jyldan beri júrgizilip keledi. Biz ondaǵy sý kólemin 2,5-3 esege arttyrdyq. Bul jumysty jalǵastyramyz, — deıdi J. Qasymbek.
Buǵan deıin Jeńis Qasymbek Astanadaǵy sporttyq marafondardy ótkizý oryndary men merzimderi týraly pikir bildirgen edi.