Kishi Taldykól sýyn aǵyzý faktisi boıynsha tekserý júrgizilip jatyr
ASTANA. KAZINFORM – Elordadaǵy Kishi Taldykól sýyn aǵyzý faktisi boıynsha tolyq tekserý júrgizilip jatyr. Bul týraly Úkimet otyrysynan keıingi brıfıngte Sý resýrstary jáne ırrıgatsııa mınıstri Nurjan Nurjigitov aıtty.
Onyń atap ótýinshe, Kishi Taldykóldiń sýyn aǵyzýǵa qatysty shaǵym basseındik ınspektsııaǵa túsken. Qazir tekserý is-sharalary júrgizilip jatyr.
- Basseındik ınspektsııa tekserýge kiristi. Olar tekserýdi aıaqtaǵannan keıin resmı aqparat beremiz. Mundaı tekserýdi 2-3 kúnniń ishinde aıaqtaý múmkin emes. Óıtkeni aıtarlyqtaı aýqymdy jumys isteý qajet. Jańa Sý kodeksiniń aıasynda ınspektsııaǵa qadaǵalaý jáne jedel áreket etý qyzmeti júktelgen. Biz tekserýdiń tolyqtyǵyn qamtamasyz etý jáne tyńǵylyqty jaýap beremiz, - dedi mınıstr.
Nurjan Nurjigitov zań buzýshylyq anyqtalǵan jaǵdaıda qoldanystaǵy zańnamaǵa sáıkes shara qoldanylatyndyǵyn aıtty.
Buǵan deıin Astanadaǵy Taldykólde qandaı jumys júrgizilip jatqanyn jazǵan edik.