Kishi Taldykól ornynda salynatyn ekopark qurylysyna 4,5 mlrd teńge jumsalmaq
ASTANA.KAZINFORM — Qurylys jumystary bıyl bastalyp, kelesi jyly aıaqtalady. Bul jóninde Astana qalasy ákiminiń orynbasary Ersin Ótebaev Úkimet kýlýarynda málimdedi.
— Ekoparktyń jobalyq-smetalyq qujattamasy daıyn. Merdiger anyqtaldy. Qarjylandyrý kózderi de qarastyrylǵan. № 5 ýchaskede, Kishi Taldykólde qurylys jumystary jýyq arada bastalady dep oılaımyn. Jospar boıynsha, kelesi jyly támamdalady. Ekoparktyń jobalyq jalpy quny — 4,5 mlrd teńge, — dedi ol QR Parlamenti palatalarynyń birlesken otyrysynan keıin kýlýarda jýrnalısterge bergen suhbatynda.
Aıta keteıik, buǵan deıin Astananyń qaı aýmaqtarynda jańa saıabaq ashylatynyn jazǵanbyz.
