Kishi Kennedı Densaýlyq saqtaý salasyndaǵy sheneýnikterdi irikteýmen aınalyspaq
ASTANA. KAZINFORM — AQSh-tyń jańadan saılanǵan prezıdenti Donald Tramp buryn joǵary memlekettik qyzmetke úmitker bolǵan Kishi Robert Kennedıge jańa ákimshiliktiń Densaýlyq saqtaý salasyndaǵy joǵary laýazymdarǵa kandıdatýralardy qaraýdy tapsyrdy. Bul týraly TASS aqparat agenttigi habarlaıdy.
Olardyń aıtýynsha, Kishi Kennedı AQSh Densaýlyq saqtaý jáne halyqqa qyzmet kórsetý departamentiniń, sondaı-aq azyq-túlik jáne dári-dármek basqarmasynyń basshylyq quramyn tańdaýmen aınalysady. Tramp ákimshiliginde saıasatkerdiń naqty qandaı laýazymǵa ıe bolatyny áli belgisiz. Agenttik málim etkendeı, ol keńesshi qyzmetin atqarýy múmkin.
Buǵan deıin Donald Tramp Kishi Kennedıdi óz ákimshiliginde mańyzdy ról atqarýdy josparlap otyrǵanyn aıtqan bolatyn. Kennedıdiń ózi AQSh Densaýlyq saqtaý júıesindegi sybaılas jemqorlyqpen kúresýdi josparlap otyrǵanyn aıtty.
Saıasatkerdiń aıtýynsha, Tramp odan úsh nárseni mindettedi: Densaýlyq saqtaý salasyndaǵy memlekettik mekemelerdegi sybaılas jemqorlyqty joıý, medıtsınalyq mekemelerde altyn standart pen dáleldemeli ǵylymdy qaıtarý, sozylmaly aýrýlar epıdemııasyn toqtata otyryp, Amerıka Qurama Shtattaryn qaıtadan saýyqtyrý.
Eske salsaq, Amerıka Qurama Shtattarynyń 35-shi prezıdenti Djon Kennedıdiń jıeni, zańger jáne saıasatker Kishi Robert Kennedı 2024 jyly AQSh prezıdenttigine saılaýǵa túsýge nıetti ekeni habarlanǵan edi.
