Kseroks korporatsııasy 2009 jyly álem boıynsha 350-den astam nagrada jeńip aldy
ALMATY. Qańtardyń 26-sy. QazAqparat /Erlik Erjanuly/ - «Buyers Laboratory Inc» (BLI) zerthanasy Kseroks korporatsııasyn qazirgi zamanǵy aqparattyq tehnologııany ıgergeni úshin «Kórnekti jetistigi úshin» nagradasymen marapattady,
dep habarlaıdy QazAqparat korporatsııanyń baspasóz qyzmetine silteme jasap.
Jalpy korporatsııa úshin 2009 jyl jemisti boldy. Jańa tehnologııalardy qoldanýy, tehnıkalarynyń senimdi jumysy men ozyq qyzmeti úshin búkil álem boıynsha 350-den astam nagradaǵa qol jetkizdi. Aqparattyq tehnologııa salasyndaǵy jetekshi taldaýshylar, zertteý fırmalary men tehnıkalyq basylymdar Kserokstiń ınnovatsııalyq jasalymdardy jetildirýge degen maqsattylyǵyn joǵary baǵalady. Máselen, bireýler belgili bir sala boıynsha - úzdik óndirýshi dese, ekinshileri - eń ozyq ónim jasaýshy, úshinshileri - eń senimdi seriktes dep moıyndap arnaıy nagradalarmen marapattady. Qazirgi tańda Kseroks korporatsııasy álemniń 160 elinde 200-den astam ataýly ónim túrin shyǵarady. Ol bıylǵy jyly da óziniń sátti jasalymdaryn San-Frantsıskodaǵy «MacWorld», Vashıngtondaǵy «FOSE», Vashıngtondaǵy, Fıladelfııadaǵy «AIIM/On Demand», Bırmıngemdegi «IPEX», Chıkagodaǵy «Graph Expo» sııaqty salalyq sharalarǵa usynbaq.
