Ksenııa Sobchak Astanada sheberlik sabaqtaryn ótkizedi
ASTANA. 12 naýryz. QazAqparat - Reseıde ótkizilgen oppozıtsııa mıtıngisine baılanysty keıinge qaldyrylǵan Ksenııa Sobchaktyń Astanadaǵy avtorlyq sheberlik sabaqtary endi 16 naýryzǵa belgilendi.
Bul týraly is-sharany uıymdastyrýshy DOFF kompanııasynyń baspasóz qyzmetinen habarlady.
Eske sala keteıik, reseılik tanymal telejúrgizýshi K. Sobchak 10 naýryz kúni Astanada qazaqstandyq kásipkerler men shoý-mender úshin sheberlik sabaqtaryn ótkizedi dep josparlanǵan bolatyn. Alaıda, Reseıde oppozıtsııa mıtıngisine qalýdy jón kórgen telejúrgizýshi bul sharaǵa kelmeı qaldy.
Sheberlik synyptarynyń baǵdarlamasynda Ksenııa Sobchaktyń jeke bas jetistiginiń syry, jeke brend óneri, stıl men ımıdjge qatysty keńesteri men bıznes-usynystary kirip otyr. Sonymen qatar feshn-ındýstrııanyń aldyńǵy qatarly brendteri usynylatyn «Luxury show» sharasy ótedi dep kútilýde.
K. Sobchak telejúrgizýshi retinde 2004 jyldan bastap tanymal bola bastady. Ol Reseıde «Kto ne hochet stat mıllıonerom», «Poslednıı geroı-6», «Blondınka v Shokolade» syndy birneshe realıtı-shoýlardy júrgizdi.
Qazirgi ýaqytta TNT arnasynda «Dom-2» realıtı-shoýynyń júrgizýshisi, Serebrıannyı dojd radıosynda óziniń avtorlyǵymen «Býdnı Barabakı» radıobaǵdarlamasynyń júrgizýshisi, 2010 jyldan beri «Devchata» oıyn-saýyq baǵdarlamasyn, al 2011 jyldan bastap «Top-model po-rýsskı» shoýyn jáne STB telearnasynda «Davaı pojenımsıa» shoýyn júrgizip keledi.
Sonymen birge Ksenııa Sobchak birneshe kitaptyń avtory. Onyń úsh saǵatqa sozylatyn sheberlik sabaǵyna bıletterdiń quny - 15 myńnan 50 myńǵa deıin.
