Ksenııa Rondo «Tilim - meniń baılyǵym» mánerlep oqý baıqaýynda jeńimpaz atandy - Pavlodar

PAVLODAR. QazAqparat - Malaısary aýylynyń 11 synyp oqýshysy Ksenııa Rondonyń Pavlodar qalasynda ótken «Tilim - meniń baılyǵym» mánerlep oqý baıqaýynda óleńdi sezimge berilip, ártistik sheberlikpen oqı bilýi oǵan bul básekede jeńis ákeldi, dep habarlady Tilderdi damytý basqarmasynyń bas mamany Samat Qushmaǵulov.

Bul baıqaý «Qazaqstan Respýblıkasyndaǵy tilder týraly» Zańnyń qabyldanýyna 25 jyl tolýyna jáne Qazaqstan halqy Assambleıasynyń 20 jyldyǵyna oraılastyrylyp ótkizildi. Oǵan aýdandyq jáne qalalyq baıqaýlardyń jeńimpazdary qatysty. Birinshi kezeńde qatysýshylar memlekettik tilde, ekinshi kezeńde armıan, moldavan, mońǵol, orys, tatar, nemis jáne sheshen tilderindegi shyǵarmalardy mánerlep oqydy.

Baıqaýǵa qatysýshylardyń ónerin baǵalaǵan qazylar alqasy olardyń oqý mánerin, ártistigin, sahnalyq mádenıetin esepke aldy.

Qazylar alqasy sondaı-aq baıqaýda ekinshi oryn alǵan ekibastuzdyq Adelına Ovcharenkonyń mánerlep oqý ónerin erekshe atap ótti. Al Pavlodar qalasynyń oqýshysy Maııa Ivanova úshinshi oryndy enshiledi. Taǵy bir aıta keter jaıt, qatysýshylardyń óleńderdi memlekettik tilde oqýy da erekshe áser qaldyrdy. Shyǵarmashylyq saıystyń qorytyndylary boıynsha oǵan qatysqandar dıplomdarmen, alǵyshattarmen jáne baǵaly syılyqtarmen marapattaldy.