Ksenııa Prozorova Tashkentte aýyr atletıkadan Azııa jáne álem rekordyn jańartty
ASTANA. KAZINFORM - 61 kelige deıingi salmaq dárejesinde Qazaqstandyq aýyr atletıkanyń juldyzy Ksenııa Prozorova Tashkentte ótip jatqan Azııa chempıonatynda altyn medal jeńip aldy, dep habarlaıdy Qazaqstannyń aýyr atletıka federatsııasynń baspasóz qyzmeti.
Aıta keteıik, ol julqa kóterý jattyǵýynda 94 keli nátıjesimen Azııa jáne álem rekordtaryn jańartty.
Ekinshi oryndy 90 keli nátıjesimen Iran sportshysy, al úshinshi oryndy 89 keli nátıjesimen Ózbekstan sportshysy ıelendi.
Ksenııa jarystyń alǵashqy jattyǵýynda-aq osyndaı basymdyqpen bastady.
Jarys qorytyndysy boıynsha Ksenııa 2 altyn medal jeńip alyp, 3 álem rekordyn jáne 3 Azııa rekordyn jańartyp, Azııa chempıonatyndaǵy qyzdar arasynda absolıýtti kóshbasshy atandy.
Ksenııanyń nátıjeleri:
* Julqa kóterý – 94 kg
* Serpe kóterý – 110 kg
* Qossaıys nátıjesi – 204 kg
Ksenııa Prozorova jeke jattyqtyrýshylary Azamat Abatuly Nýrýllaev pen Emır Azamatuly Abatovtyń jetekshiligimen jattyǵady.
Osyǵan deıin 15 jastaǵy Snejana Qashqarovanyń Ózbekstanda ótip jatqan Azııa chempıonatynda 5 altyn ıelengeni týraly jazdyq.
