Ksenııa Ignatova Azııa oıyndarynda úzdik bestikten kórinip, fınalǵa joldama aldy
ASTANA. KAZINFORM — Júzýden Qazaqstan quramasynyń ókili Ksenııa Ignatova Aıchı-Nagoıada (Japonııa) ótip jatqan Azııa oıyndarynda ekinshi fınalyna ótti. Bul týraly UOK málim etti.
Otandasymyz 200 metrge keshendi júzý saıysynda baq synady. Ksenııa irikteý kezeńiniń nátıjesinde 2:14.94 ýaqyt kórsetkishimen jalpy esepte besinshi oryn alyp, fınalǵa ótti.
Aıta keteıik, ol buǵan deıin 50 metrge shalqalaı júzýden aqtyq synǵa ótken bolatyn.
Japonııanyń Aıchı prefektýrasy men Nagoıa qalasynda ótip jatqan HH jazǵy Azııa oıyndarynyń alǵashqy jarys kúniniń nátıjesine saı, Qazaqstan quramasy jalpy esepte tórtinshi orynda kele jatqanyn jazǵan bolatynbyz.
