«Ksell» kompanııasy «East Capital Award 2013» atalymy boıynsha úzdik kompanııa bolyp tanyldy
ASTANA. 11 qarasha. QazAqparat - «Ksell» aktsıonerlik qoǵamy Qazaqstan Respýblıkasyndaǵy uıaly baılanystyń tabys kólemi men abonentter sany jaǵynan jetekshi provaıderi 2013 jyldyń 7 qarashasynda Stokgolmde ótken jyl saıynǵy onynshy «East Capital Award 2013» syılyǵynda «Úzdik IPO» nomınatsııasynda úzdik kompanııa bolyp tanyldy. Bul týraly kompanııanyń baspasóz qyzmetinen habarlandy.
«Kcell kompanııasynyń atqarýshy dırektory Alı Agan 2013 jyldyń 7 qarashasynda Stokgolmde marapattaý rásiminde «East Capital Award» syılyǵyn qabyldady. «East Capital Award» syılyqtary damýshy jáne shekaralas naryqtardaǵy jetistikter úshin beriledi. «East Capital» jyl saıynǵy onynshy rásiminde IPO úshin osyndaı bedeldi syılyqqa ıe bolý - zor mártebe», - delingen baspasóz habarlamasynda.
«Ksell» Qazaqstan naryǵynda EBITDA kórsetkishi 55 paıyz deńgeıimen jetekshi pozıtsııalardy ıelenip, búgingi kúnge deıin osy oryndy turaqty ustap keledi jáne 2012 jyldyń aıaǵyndaǵy Qazaqstandyq jáne London qor bırjalaryndaǵy lıstıngten keıin aktsıonerlerge turaqty tabystylyqty qamtamasyz etip keledi. Osy marapat - kompanııanyń basqarýshylyq ujymynyń jáne qyzmetkerleriniń belsendi jumys isteýleri men kásipqoılyqtarynyń aıqyn belgisi», - dep atap ótti «Ksell» AQ bas atqarýshy dırektory Alı Agan.
Jalpy, «Ksell» kompanııasy aımaqtaǵy eń sátti ornalastyrýdy júrgizgen. Kompanııa óziniń ozat basqarýshylyq ujymymen jáne álem boıynsha telekommýnıkatsııalyq kompanııalar ishinde eń joǵarǵy dıvıdend tóleýlerimen jaqsy tanymal. Tutastaı telekommýnıkatsııalyq álemde oryn alyp otyrǵan jazylymdardyń qysqarýy baıqalatyn joǵary básekeli naryqta jumys isteı otyryp, «Ksell» EBITDA kórsetkishin 55 paıyzdan astam deńgeıde ustap qala aldy. Bul álemdegi telekommýnıkatsııalyq kompanııalardyń arasyndaǵy eń joǵarǵy kórsetkish, abonentterdiń sany boıynsha naryq úlesi 50 paıyzǵa jaýyq deńgeıde jáne tabys dárejesin saqtaı aldy. 2012 jyldyń jeltoqsanynda «Kselldiń» IPO-ǵa shyqqan sátten bastap kompanııa aktsıonerleri paıyzdyq úlespen AQSh dollarymen bir aktsııaǵa shaqqanda 67 paıyz kólemindegi tabysqa ıe boldy.
