«Ksell» kompanııasy abonentterge aqshalaı qarajatty erikti túrde qaıtarýdyń ekinshi kezeńin bastady

Bul týraly búgin atalmysh kompanııanyń baspasóz qyzmetinen habarlady.

Buǵan deıin málim bolǵanyndaı, «Ksell» AQ qalalyq monopolııaǵa qarsy organnyń uıǵarymyna sáıkes, 2012 jyldyń qańtarynan bastap 2013 jyldyń qyrkúıegine deıingi tekserý merziminde qosylystyń (radıotelefon suhbaty jáne Internet) úzilmeı qalýyna baılanysty Kcell brendindegi abonentterge aqshalaı qarajatty qaıtarýdy bastaǵan bolatyn.

Endi, 2015 jyldyń 9 tamyzynan bastap «Ksell» AQ erikti túrde Kcell brendindegi abonentterge 2013 jyldyń qazanynan bergi aqshalaı qarajatty osy ispettes qaıtarýdy qolǵa aldy.

«Qaıtarym alǵan abonentterge osy týraly SMS arqyly málim etiledi. Qazirgi ýaqytta Kcell brendisiniń abonentteri bolyp tabylmaıtyn tulǵalarǵa da sáıkes jazbasha málimdemeler joldanady», - delingen habarlamada.

Aıta ketelik, qarajattyń osy qaıtarylýy activ brendindegi abonentterge qatysty emes. Óıtkeni olardyń derbes shottaryndaǵy aqshalaı qarajat taýsylǵanda qosylys avtomatty túrde úziledi.