«Ksell» AQ 252 mıllıon teńgeden astam aıyppul tóledi
ASTANA. QazAqparat - QR UEM Tabıǵı monopolııalardy retteý jáne básekelestikti qorǵaý komıteti «Ksell» AQ-ǵa qatysty monopolııaǵa qarsy zańnamany buzýshylyqtardy tergeýdi aıaqtady.
Bul týraly mınıstrliktiń baspasóz qyzmeti habarlady.
Tergeý barysynda bul uıaly operator «Qazaqtelekom» AQ - tirkelgen telefon baılanysy telekommýnıkatsııalyq operatory jelisi arqyly kiris telefon trafıgin (qońyraýlardy) óz jelisine ótkizýdi negizsiz shektegen. ıAǵnı, «Qazaqtelekom» AQ jelisi arqyly ótetin halyqaralyq baılanys operatorlary telefon nómirleriniń «Ksell» AQ uıaly kompanııasynyń nómirine qońyraý shalýy múmkin bolmady.
Almaty qalasy ákimshilik sotynyń 2015 jylǵy 1 qazandaǵy qaýlysymen «Ksell» AQ somasy 252 660 251 teńge aıyppul tóleıtin boldy. Sot sheshimi zańdy kúshine endi.
Uıaly operatorǵa salynǵan aıyppul tolyq kólemde tólendi.
