«Ksell» abonentterge 1,5 mlrd.-tan astam teńgeni qaıtarady - UEM
ASTANA. QazAqparat - Tabıǵı monopolııalardy retteý jáne básekelestikti qorǵaý komıteti atynan QR Ulttyq ekonomıka mınıstrliginiń monopolııaǵa qarsy den qoıý sharalaryn qabyldaý qorytyndysy boıynsha «Ksell» AQ-ǵa básekelestik zańnamany buzý nátıjesinde alynǵan aqshalaı qarajatty abonentterge qaıtarý týraly nusqama shyǵardy, dep habarlady vedomstvonyń baspasóz qyzmetinen.
Sottardyń, onyń ishinde QR Joǵarǵy sotynyń qaraý qorytyndysy boıynsha, atalǵan nusqama zańdy jáne negizdi dep tanyldy.
Aǵymdaǵy aıda «Ksell» AQ tutynýshylarǵa 2012 jyl - 2013 jyldyń 9 aıy kezeńinde abonent úshin kez kelgen qolaıly tásilmen (zattaı mánde, teńgerim) somasy 1,5 mlrd. teńgeden asatyn aqshalaı qarajatty qaıtarýdy bastaıdy. Bul rette, «Ksell» AQ áleýmettik jaýapkershiligin kórsetip, óz abonentterine 2013 jylǵy qazannan bastap búgingi kúnge deıingi (monopolııaǵa qarsy zańnamany buzýshylyq oryn alǵan) kezeń úshin aqshalaı qarajatty erikti túrde qaıtaratynyn habarlady.
