KSAC-tyń 5-shi quryltaıynda jastardyń «Máńgilik El» ıdeıasyn iske asyrýǵa qatysýy týraly memorandým jasaldy (FOTO)

BEIJІŃ-ChÝNTsIN. QazAqparat - 14 mamyrda QHR-dyń Chýntsın qalasynda Qytaıdaǵy qazaqstandyq stýdentterdiń 5-shi mereıtoılyq quryltaıy bolyp ótti. Atalǵan shara QR Táýelsizdiginiń 25 jyldyǵyna arnalǵan. Oǵan Qytaıdyń Beıjiń, Shanhaı, Ýhan, Sıan, Úrimshi, Nankın, Gýanchjoý jáne Chýntsın sııaqty qalalarynda bilim alyp júrgen 150-den astam stýdent qatysty.

Sharany QR BǴM-nyń Azııa jáne Okeanııa elderindegi Halyqaralyq baǵdarlamalar ortalyǵynyń ókildigi, Qazaqstan Respýblıkasynyń QHR-daǵy Elshiligi, sondaı-aq qazaqstandyq stýdentterdiń Qytaıdaǵy qaýymdastyǵy (KSAC) uıymdastyrdy.

Quryltaıda «Qazaqstandyq jastardyń «Máńgilik El» jalpyulttyq ıdeıasyn iske asyrýdaǵy róli» taqyrybynda konferentsııa, sondaı-aq «Meniń Qytaıdaǵy stýdenttik ómirim» taqyrybymen KTK festıvali ótkizildi.

Konferentsııanyń qorytyndysy boıynsha belsendiler Qytaıda bilim alyp júrgen qazaqstandyq jastardyń «Máńgilik El» jalpyulttyq ıdeıasyn iske asyrýǵa qatysýy týraly memorandýmǵa qol qoıdy.

Eske sala keteıik, Qytaıdaǵy qazaqstandyq stýdentterdiń quryltaıy QR BǴM-niń Halyqaralyq baǵdarlamalar ortalyǵy men QR-dyń QHR-daǵy Elshiliginiń birlesip uıymdastyratyn sharasy.