Kisi óltirýge oqtalǵan retsıdıvıst Armenııadan ekstradıtsııalandy

ASTANA. KAZINFORM – Qazaqstan Respýblıkasynyń Bas prokýratýra men Іshki ister mınıstrliginiń qyzmetkerleri Armenııa Respýblıkasyndaǵy Elshiliginiń kómegimen buryn birneshe ret sottalǵan jáne kisi óltirýge oqtalǵany úshin jazalaý maqsatynda Qazaqstan azamatyn Erevannan ekstradıtsııalady.

QR Bas prokýratýrasy baspasóz qyzmetiniń habarlaýynsha, 2024 jyldyń qyrkúıeginde Petropavl qalasynda atalǵan tulǵa mas kúıinde buzaqylyq nıetpen jábirlenýshige pyshaqpen birneshe ret jaraqat salǵan. Zardap shekken adam shuǵyl medıtsınalyq kómekti arqasynda aman qaldy.

Qylmys jasaǵannan keıin qaskóı izin sýytyp, oǵan halyqaralyq izdeý jarııalanǵan.

Ótken jyldyń qazan aıynda ol Armenııa aýmaǵynda ustalyp, Qazaqstan Bas prokýratýrasynyń suraý salýy boıynsha Otanyna ekstradıtsııalandy.

Qazir kúdikti ýaqytsha tergeý ızolıatoryna qamaldy.

 - Ol endi jasaǵan qylmysy úshin múlkin tárkileý arqyly on bes jyldan jıyrma jylǵa deıin ne ómir boıyna bas bostandyǵynan aıyrylýy múmkin, - delingen habarlamada.

Osyǵan deıin «Astana LRT» JShS-niń burynǵy basshysy, Qazaqstan azamaty Talǵat Ardandy elge ekstardıtsııalaý úshin tıisti jumystar júrgizilip jatqany týraly jazdyq.