Kisi óltirip, Reseıde qashyp júrgen kúdikti elge qaıtaryldy
ASTANA. KAZINFORM — Búgin Bas prokýratýra qyzmetkerleri Qazaqstan azamatyn adam óltirgeni úshin qylmystyq jaýapkershilikke tartý maqsatynda Reseıden ekstradıtsııalady.
Ol 2023 jylǵy qańtarda Shymkent qalasynda aldyn ala sóz baılasý arqyly bir top adammen birge kisi óltirgen.
Kúdiktiniń sybaılastary sottaldy, al fıgýrant qylmys jasaǵannan keıin jasyrynýyna baılanysty halyqaralyq izdeý jarııalanǵan.
Ótken jylǵy jeltoqsanda ol Reseı Federatsııasynyń aýmaǵynda ustaldy.
Qazaqstan Bas prokýratýrasynyń suraýy boıynsha reseılik tarap kúdiktini Qazaqstan Respýblıkasyna ekstradıtsııalaý jóninde sheshim qabyldady.
Qazirgi ýaqytta kúdikti tergeý ızolıatoryna qamalǵan.
Aıyptalǵan qylmysty jasaǵany úshin on bes jyldan jıyrma jylǵa deıingi merzimge nemese ómir boıyna bas bostandyǵynan aıyrý jazasy qarastyrylǵan.
