Kisi óltirip, bala zorlap jyldar boıy qashyp júrgen 283 qylmysker ustaldy
«Іzdestirý» operatsııasynyń eki kúninde izdeýde júrgen 283 qylmysker ustaldy, dep habarlaıdy QazAqparat Polisia.kz resýrsyna silteme jasap.
ІІM respýblıka aýmaǵynda TMD elderimen birlesken «Іzdestirý» operatsııasyn júrgizdi. Onyń nátıjesinde 283 qylmysker ustaldy.
Sonyń ishinde kisi óltirgeni úshin — 8, densaýlyǵyna aýyr zııan keltirgeni úshin — 9, qaraqshylyq shabýyldar úshin — 3 jáne tonaý jasaǵany úshin — 5, olardyń ishinde: respýblıkadan tys jerlerde — 20 (Reseıde — 10, Qyrǵyzstanda — 4, Ózbekstanda — 3, Armenııada — 2, Moldova men Túrikmenstanda — 1); Dostastyq elderinde — 134 (Reseıde — 78, Ózbekstan — 31 jáne Qyrǵyzstanda — 18, Tájikstanda — 2, Armenııa, Ázerbaıjan, Belarýs, Moldova jáne Túrikmenstanda — 1).
Sonymen qatar habar-osharsyz ketken 62 adam, onyń ishinde 8 kámeletke tolmaǵan bala anyqtaldy.
Máselen, Astana qalasynda qalanyń krımınaldyq polıtsııa qyzmetkerleri Ózbekstan ІІM jedel-izdestirý tobymen birlesip, 2019 jylǵy qańtarda Namangan oblysynda adamdar tobynda baltamen qasaqana kisi óltirgeni úshin izdeýde júrgen 29 jastaǵy Ózbekstan azamatyn ustady.
Aqtóbede 1999 jyldan beri Orynbor oblysy boıynsha Reseı ІІM-de izdeýde júrgen 55 jastaǵy Reseı azamaty ustaldy. Ol Orynbor oblysynyń 2 turǵynymen birge toptasyp, buryn jasalǵan mal urlyǵyn jasyrý maqsatynda kisi óltirgen.
Qylmyskerler 1999 jyly 14 qarashada Aleksandr aýdanynyń turǵynynyń úıine kirip, 15 myń rýbl múlikti urlap, úı ıesin óltirip ketken.
Tarazda 2020 jylǵy 9 maýsymda Qaraǵandy qalasynyń dámhanalarynyń birinde oblys turǵynyn óltirýge oqtalǵany úshin izdeýde júrgen Almaty oblysynyń 2 turǵyny ustaldy.
Sondaı-aq atalǵan oblysta 22 jastaǵy Ózbekstan azamaty ustaldy, ol 2015 jyldyń naýryz aıynda toppen Shý oblysy Sokýlýk aýdanynyń turǵynynyń úıine kirip, dene kúshin qoldanyp, tapanshamen qorqytyp, 395 myń som somasynda aqshany ashyq ıemdendi.
Almaty oblysynyń Qarasaı aýdanynda Ózbekstan Respýblıkasynyń 34 jastaǵy azamaty ustaldy, mamyr aıynan bastap Samarqand qalasynda bolǵan qaraqshylyq shabýyl úshin Ózbekstan ІІO-da izdeýde boldy, keltirilgen zalal 40 myń AQSh dollaryn qurady.
Qaraǵandy qalasynda Tashkent qalasynyń ІІBB izdeýde júrgen 33 jastaǵy Ózbekstan azamaty asa iri mólsherde alaıaqtyq jasaǵany úshin ustaldy, ol 2021 jyldyń shildesinde Tájikstan azamattaryn QR-ǵa tabys tabýǵa jibergen jáne olarǵa jalaqy tólemegen.
Sonymen qatar shet elderdiń aýmaǵynda ishki ister organdarynyń qyzmetkerleri memleketimizdiń quqyq qorǵaý organdary izdeý jarııalaǵan adamdardy ustady.
Máselen, Túrkııa Respýblıkasynyń Seke qalasynda 2022 jylǵy 28 naýryzda Іle aýdany Baıserke kentiniń mańynda, Almaty — Qonaev tas jolynda temeki ónimderin tasymaldaǵan júk kóliginiń júrgizýshisin óltirýmen ushtasqan qaraqshylyq shabýyl jasaǵany úshin izdeýde júrgen Almaty oblysynyń 40 jastaǵy turǵyny ustaldy.
Reseı Federatsııasynyń Krasnodar qalasynda Pavlodar oblysynyń PD 2008 jylǵy qarashadan bastap izdeýde júrgen 42 jastaǵy qazaqstandyq Pavlodar oblysynyń Aqsý qalasynyń kámeletke tolmaǵan turǵynyn zorlaǵany jáne óltirgeni úshin ustaldy.
Armenııa Respýblıkasynda Qostanaı oblysy PD izdestirý toby armıan áriptesterimen birlesip, 2023 jylǵy sáýirde Qostanaı qalasynda izdeýde júrgen 23 jastaǵy Qazaqstan azamatyn ustady jáne jalpy salmaǵy 9,8 gramm bolatyn psıhotroptyq zatpen 3 jıyntyq tárkilendi.
Reseıdiń Tomsk qalasynda osy jyldyń tamyz aıynan bastap Pavlodar oblysynyń PD asa iri mólsherde esirtki saqtaǵany úshin izdeýde júrgen 21 jastaǵy Pavlodar oblysynyń turǵyny ustaldy.
Qyrǵyz Respýblıkasynyń Bishkek qalasynda alaıaqtyq jasaǵany úshin Jambyl oblysy PD-da izdeýde júrgen 50 jastaǵy Qazaqstan azamaty ustaldy.
2019 jyldyń tamyzynda atalǵan azamat ózin advokat retinde kórsetip, kúdikti adamdy jaýapkershilikten bosatýǵa ýáde berip, úlken aqshany ıemdendi.
Ustalǵan qylmyskerlerdi Qazaqstan Respýblıkasyna ekstradıtsııalaý týraly másele sheshilip jatyr. Bul jumys únemi baqylaýda, óıtkeni qylmyskerlerdi ustaý jáne olardy qylmystyq jaýapkershilikke tartý jazanyń bultartpaýshylyq prıntsıpin iske asyrýdy qamtamasyz etedi.
